大巴黎餐廳 (已結業)

总结：价钱贵，质素差，份量少，无service成日听到佢请果D阿姐辛辛苦苦响旺角大街拉客上去食拉到身水身汗，同情下阿姐及尝试下睇点解佢咁有自信周围叫人食。上到去就知到已经骑虎难下，晚餐一个茶记猪扒饭38加一，送杯饮品$23以为系咩特色饮品，居然系柠茶柠水之类，我饮过既餐厅最贵都唔过20，你唔系当自己酒店下哇？个饭块扒骨、膏同筋多过肉，罐头茄汁捞饭，唔系要比钱我都宁愿唔食。拣完久扒D肉食完碟饭，都完全唔饱。旨意佢医肚真系浪费金钱。最抵闹系个加一服务费，有服务咩？成个场得一两个似侍应既，水都无杯。装个钟系度叫狗咁叫OTL。Order落错个朋友等到我地食完都未有得食。个环境......D冷气冻到赶客咁，D电视无声，但D音乐鬼咁嘈。D灯又暗，可能甘样可以节省D电费同避免D客睇到地下D垃圾同餐具既污迹挂咁既餐厅，良心系边？凭咩赚我地呢D挨生挨死揾两餐既刻苦香港人既钱？衷心建议未去过既千祈咪上当。