宏興美食館 (廟街煲仔飯) (已結業)

朋友带我宵夜时间落油麻地庙街小炒一番，叫咗豉汁蒸排骨、麻辣鸡煲、蒜蓉粉丝蒸扇贝、豉汁蒸白鳝、椒丝腐乳通菜同炸蚝饼，估唔到最好食嘅竟然系豉汁蒸排骨。豉汁蒸排骨蒸得出乎意料嘅入味，虽然d排骨偏细粒同略肥，不过最紧要味道好。豉汁蒸白鳝嘅白鳝唔算好新鲜，不过可以接受啦。麻辣鸡煲就唔太辣兼无乜麻，不过上枱出晒烟都几香，d配料吸晒啲汁所以特别好味。蒜蓉粉丝蒸扇贝比想像中好，最正当然系d粉丝啦。虾酱通菜都炒得几好，好够镬气，d通菜唔会太林，ok唔错。庙街炸蚝饼当然出名麻麻地啦，最主要唔钟意佢太炸，不过今晚个蚝饼d蚝又新鲜又大粒，值得一赞。