City Art Steak．Grill (已結業)

琴日同个朋友去倾保险，佢拣左City Art Restaurant话呢度唔会嘈适合倾野，我都系第一次黎呢度食lunch，岩岩入去感觉好有情调，环境干净，D食物排列整齐。先试冷盘，有我最钟意食既烟三文鱼，系隔离仲有好多沙律，我样样都试d啦。见到红菜头就觉得好特别，因为系出面餐厅都好少有，另外用木瓜去做沙律味道好甜，我都夹左2转。仲有蜜瓜做生果，成个头盘都好清新，全部都系任食。之后main course端上，我拣左鲈鱼，佢d肉质结实，个面几香脆，最开心系成块鱼扖都系冇骨，每淡都系肉，岩哂我。菠菜垫底，口感柔软。我个fd叫左煎猪扖，睇落去都好吸引，我试左少少，唔会好韧，加埋d烧汁食就更好。食到呢度我都差唔多，但出面有好多甜品，甜品柜入面五颜六色既甜品真系睇到已经好开心，抱住唔好蚀既心态，就算饱都要试少少，d cake细细件，一口一件。而雪糕当然系唔少得。系呢个环境之下，我地一边食一边倾野，d员工服务又好好，我可以推介俾我d fd下次再黎食其他野。