影片
更多
2020-12-18
2846 浏览
Hugo's-希戈餐厅分享下好丰富又好食三道菜午餐🤗Lunch set包三道菜 🥗🦪🥩🦞🍰☕（头盘，主菜，甜品加餐茶）价钱就视乎番你简咩主菜（menu系最后果张相）Trolley亦系餐厅传统，头盘，甜品，rib of beef都系推住trolley出黎serve你。你见到架车装住咁多野全部你都有得简其实好开心🥰一黎就上个香气迫人既面包篮，有三款包包🥖🥐🍞芝士香草酥皮包同埋蒜蓉包要大推💯食完都饱左两成头盘架trolley有18款前菜比你简，包括龙虾沙律，pamaham with melon 🍈烟三文鱼,虾🍤蟹脚🦀青口，牛油果🥑沙律菜，红菜头，蕃茄仔🍅腌青瓜🥒等等。每样要一款就系最正😆另一个头盘就系龙虾汤，系hugo既名汤，的确出色，浓度适中，调味刚刚好，汤入面亦带有龙虾肉（试过caprice果个好咸）主菜分别叫左US prime rib of beef 🥩and Whole Boston lobster 🦞Rib叫左medium,餐厅都建议5成最好食，肉质好幼嫩又有牛味，我觉得本身系一只靓牛加上厨师烧得岩岩好，除左好好味我都冇其他形容词，食到e度都已经好饱，但黎紧仲有另一个主菜要食😝原只
分享下好丰富又好食三道菜午餐🤗
Lunch set包三道菜 🥗🦪🥩🦞🍰☕（头盘，主菜，甜品加餐茶）价钱就视乎番你简咩主菜（menu系最后果张相）Trolley亦系餐厅传统，头盘，甜品，rib of beef都系推住trolley出黎serve你。你见到架车装住咁多野全部你都有得简其实好开心🥰
一黎就上个香气迫人既面包篮，有三款包包🥖🥐🍞芝士香草酥皮包同埋蒜蓉包要大推💯食完都饱左两成
头盘架trolley有18款前菜比你简，包括龙虾沙律，pamaham with melon 🍈烟三文鱼,虾🍤蟹脚🦀青口，牛油果🥑沙律菜，红菜头，蕃茄仔🍅腌青瓜🥒等等。每样要一款就系最正😆另一个头盘就系龙虾汤，系hugo既名汤，的确出色，浓度适中，调味刚刚好，汤入面亦带有龙虾肉（试过caprice果个好咸）
主菜分别叫左US prime rib of beef 🥩and Whole Boston lobster 🦞
Rib叫左medium,餐厅都建议5成最好食，肉质好幼嫩又有牛味，我觉得本身系一只靓牛加上厨师烧得岩岩好，除左好好味我都冇其他形容词，食到e度都已经好饱，但黎紧仲有另一个主菜要食😝
原只龙虾🦞有两个煮法，一半用黎grill,另一半用酥皮盒配磨菇白汁，似忌廉汁（有错请指正）一齐焗。e个就冇牛肋骨咁惊喜，龙虾肉新鲜，你估到咩味，两种煮法都同龙虾夹既。
最后到甜品及餐茶，又系另一个令你好开心既时候，有8款甜品比你简2件，配埋超甜水果/马卡龙/朱古力，跟埋杯咖啡加蝴蝶酥（又系酥，今餐食左好多酥饼类😂🤣）慢慢坐下倾下计，享受下个vibes, Hugo 装修似欧洲小木屋，临近圣诞节⛄🧦播紧圣诞歌🎶有埋圣诞树🎄同家人朋友食番餐感受下节日都唔错💝
张贴
