影片
更多
2020-03-21
339 浏览
好开心石门近几年开咗好多新餐厅，作为邻居嘅我终于唔洗走到去市中心食饭。今晚约咗妈咪食西餐，如果有睇开我啲食评，其实我好少食西餐。因为无乜边间特别吸引，仲要价钱一般都偏贵。但喺石门嘅Su Casa推翻咗我对西餐系贵夹唔饱的错误观念！虽然每碟食物的单价都唔算平，但每样嘢都好大碟！食物一上台，大碟到我哋呆咗。食到我哋好饱！！早知叫少啲嘢食啦😂再加上食物质素不错，整体就性价比非常好啦！首推招牌蚝汤，每一啖入口都充满蚝味但又唔会腥，蚝同忌廉又出奇地配合，creamy得嚟唔会太腻。加拿大龙虾意粉，唔止卖相靓，味道都好好。龙虾原只上，肉质鲜甜而且虾钳啖啖肉。意粉配上香浓龙虾汁，略带creamy好惹味。脆皮烧德国咸猪手配酸椰菜好有份量，两个大人食都够有突。烤香咗的咸猪手好香口，脆皮入口卜卜声，不过略嫌猪手偏咸，如果配啤酒就一流。酸椰菜腌得刚刚好，开胃得嚟亦能中和返猪的咸味，好夹！饮品我同妈咪都叫咗菠萝奇亚籽特饮，唔会太甜，酸酸地好开胃，配上Superfood奇亚籽，纤维丰富又有益，钟意饮甜嘢而又想健康的人可以一试。甜品叫咗心太软，需时15分钟左右所以食到中后段要order啦。热辣辣上台一笃开有流心，合
但喺石门嘅Su Casa推翻咗我对西餐系贵夹唔饱的错误观念！
虽然每碟食物的单价都唔算平，但每样嘢都好大碟！食物一上台，大碟到我哋呆咗。食到我哋好饱！！早知叫少啲嘢食啦😂再加上食物质素不错，整体就性价比非常好啦！
首推招牌蚝汤，每一啖入口都充满蚝味但又唔会腥，蚝同忌廉又出奇地配合，creamy得嚟唔会太腻。
招牌蚝汤
38 浏览
0 赞好
0 留言
加拿大龙虾意粉，唔止卖相靓，味道都好好。龙虾原只上，肉质鲜甜而且虾钳啖啖肉。意粉配上香浓龙虾汁，略带creamy好惹味。
加拿大龙虾意粉
30 浏览
0 赞好
0 留言
脆皮烧德国咸猪手配酸椰菜好有份量，两个大人食都够有突。烤香咗的咸猪手好香口，脆皮入口卜卜声，不过略嫌猪手偏咸，如果配啤酒就一流。酸椰菜腌得刚刚好，开胃得嚟亦能中和返猪的咸味，好夹！
脆皮烧德国咸猪手配酸椰菜
32 浏览
0 赞好
0 留言
饮品我同妈咪都叫咗菠萝奇亚籽特饮，唔会太甜，酸酸地好开胃，配上Superfood奇亚籽，纤维丰富又有益，钟意饮甜嘢而又想健康的人可以一试。
心太软
31 浏览
0 赞好
0 留言
甜品叫咗心太软，需时15分钟左右所以食到中后段要order啦。热辣辣上台一笃开有流心，合格！味道调得好，唔会太甜但又有可可香，好味！
值得一赞系场内坐位阔落，台与台中间有足够距离，疫情期间呢样好重要。而且餐厅重视卫生，入店内要用1比99漂白水喷鞋，亦要用酒精搓手。坐低后店员会提供全新信封俾你放口罩，非常贴心！抵赞！
31 浏览
0 赞好
0 留言
菠萝奇亚籽绿茶
31 浏览
0 赞好
0 留言
张贴
