茶涮涮 (已結業)

今日我黎到铜锣湾茶涮涮，一个位于市中心既火锅店！我哋拣咗犇盛合套餐火锅($398)每人，汤底就拣咗高山龙井鲣鱼昆布汤锅，一啖汤底已经食到好重既昆布香味！首先，我哋嚟到嘅前菜系刺身三点。每一块新鲜嘅生鱼片都有独特嘅鲜味，肉质鲜嫩多汁，一咬入口就觉得入口既化。接著，嚟到嘅蟹肉沙律，里面有大量鲜嫩嘅蟹肉，配合清新爽口嘅沙律酱汁，真系好开胃！到左主菜方面，海鲜拼盘份量都几大，有野生虎虾、特选帆立贝同埋海鱼，两只大虎虾好显眼，而食落肉质鲜脆，鲜味十足。叫得犇盛合，唔少得要评价下肉拼盘！呢个餐包澳洲一级肉眼、美国精选安格斯牛小排同埋牛五花，牛小排肉质鲜嫩，每一口都带嚟浓郁嘅肉香。特别值得一提嘅系有包美国无激素春鸡，唔会只食牛咁单一。最后，呢到既野菜盘都唔错，都有起码６，７种唔同既菜。另外，稻庭乌冬都几𪪼牙，加入火锅中绝对减少左极多邪恶感。最后，结束一顿美食之旅，当然要品尝下店家精心制作嘅甜品！今日既甜品系雪榚，雪榚质感绵密细腻，甜度岩岩好。总括而言，呢度嘅犇盛合套餐火锅真系令人赞不绝口！无论系新鲜嘅海鲜、多款既肉类定系最后嘅蔬菜，每一样都系几高质又好味。加上汤底香浓，服务周到，真系值得一试！🍲🍣🦀