塩玉居酒屋 (已結業)

是日居酒屋晚餐，叫左林林总总既串烧，好丰富。人均$400左右。葱吞拿鱼腩薄脆（$68），上啲青柠汁，软腍既葱拖罗配脆口既饼底系个既开胃既前菜。辣酒煮花螺（$98），用竹签挑，口感弹牙有咬口，唔算辣。烧日本黑豚五花腩（$42），腩位油脂令肉质鲜嫩可口。烧日本鸡尾（$25），鸡尾包食得多，真鸡尾第一次食，原来系肥肉比较多，入口较油。烧日本鸡肾（$28），爽口唔硬，正！烧鸡心（$32），都系爽口派。烧翠玉瓜（$22），上面有啲木鱼丝配照烧酱，蔬菜平衡下。烧秋葵（$22），几抵食啊有四条。烧青芥牛柳（$58），呢个好juicy，牛味保存得好好。烧京都豆腐（$30），外面脆脆地，热辣辣。烧鸭舌（$38），食串烧较少见到既野。烧日本鸡肝（$32），口感似鹅肝。鸡胸软骨（$38），平时都系食鸡软骨多，原来鸡胸软骨都咁正。蒲烧鳗鱼石锅饭（$198），热辣辣黎到，鳗鱼系软腍，切开一小块，酱汁比较咸同重味，配饭食一流。呢度平日夜晚唔算人多，灯光半暗，倾计一流架。