四季良晨 (新都城中心) (已結業)

星期六同男朋友去食台湾菜，2:00已经有下午茶餐叫。芝士酱酥排骨吐司配桂花鸡翼+番茄汤米线芝士酱酥排骨吐司食落够香脆，吐司亦烘到够脆身，同香口既排骨夹住一齐食好惹味。桂花鸡翼既桂花系要自己点附有既一碟桂花酱。鸡翼炸得香脆惹味。番茄汤米线正常。加配卤水豆腐，唔会太咸。煲仔 ‧ 塔香三杯鸡定食配上汤浸时菜及白饭鸡件份量够，啖啖肉，不过三杯既味道唔太出，但本身个鸡系唔错既。拉丝芝士肉松蛋饼配地瓜薯条蛋饼略油但足料，地瓜薯条热辣辣，唔会油淋淋。紫薯珍珠黑糖冰鲜草十分足料，有几旧紫薯，大量珍珠、椰果、仙草，仲有黑糖冰，不过我嫌太甜。芝士奶盖阿华田少甜好好饮，芝士奶盖重奶味，阿华田味浓，无用水黎沟稀到，而且两者好夹。夏日水漾鲜果茶半甜少冰果味同茶味兼备，都唔错。