紅磡冰室 (已結業)

今日要早返工，为左系忙碌既一天有美好既开始，我选择左黎红磡冰室同友人食早餐。其实系因为友人介绍话呢间早餐好饱肚，可以唔使食lunch，于是就去试下。一入去装潢好靓，好干净。揾左个卡位坐底，睇完餐牌感觉选择冇快餐店黎得多。一落完单，啲伙记唔洗10分钟就上晒所有食物饮品，好有效率，重要既系唔会好似有啲茶餐厅咁放啲印单纸系食物上面，感觉卫生好多。讲返啲食物，我叫左个沙爹牛肉面+火腿+炒蛋。炒蛋真系好惊喜😍唔单止好嫩滑，仲唔会落太多奶令蛋味消失，虽然睇落唔多，但好filling.另外个面都煮得刚刚好，唔会落过多汁令成碗面太咸，面既软硬程度刚刚好，有机会我都会再返黎食