星怡 (已結業)

星期五同旧同事庆祝生日，我拣左同佢食星马菜。柚子沙律柚子几juicy，沙律菜爽脆得黎唔苦，味道都几辣下。南洋班兰咖央多士松脆既多士夹住厚牛油，好惊喜牛油好滑身，口感有啲似食紧雪糕，绝对系邪恶之选。串烧 (3串)猪、鸡、牛各一串，配以沙嗲酱，够惹味。新加坡海南鸡饭油饭偏腍，海南鸡好嫩滑，啖啖肉，正。 特级北海道带子鲜虾喇沙面味道微辣，带子好大粒又弹牙，鲜虾都有好多只，面条亦好滑身又挂汤汁，唔怪之得有三个手指公。