Add Some Thai Restaurant

营业中

休息中

餐厅位于观塘工厂区，装潢颇有特色，流水波波灯，木系色调，灯光柔和，环境阔落，空间感十足，仲有两间独立箱房可以边食边唱K、打牌同玩Switch，价格亲民且地点方便，好适合约埋一大班朋友仔嚟聚餐。前菜有鲜虾青木瓜沙律，用玻璃樽装住，上面放上四只鲜虾，下面铺满沙律菜，唧埋泰式酱汁，食落开胃。小食拼盘包含虾片、虾饼、鸡/猪嘅串烧同猪颈肉，虾片脆身唔油腻、虾饼爽口谈呀、串烧入味唔嚡、猪颈肉油滋四溢，最紧要点埋个沙嗲酱，自家制热辣辣唔好错过。另外值得一提嘅系个香脆七味鸡软骨，带咬口，脆卜卜，唔算好咸，性价比高。汤品有椰皇椰青鸡汤，好清好甜，估唔到鸡肉嫩滑多汁啖啖肉，仲有个火热住，唔怕冻啦！炒菜款式都有唔少选择，可以自行搭配炒法同品种，姜汁炒豆苗淡淡姜汁香气，豆苗比较少见，可以试试。主食有酥炸软壳蟹炒黄咖喱，软壳蟹有两大只，炸至酥脆可口，黄咖喱偏甜唔辣，下面仲有少量蔬菜同埋煮至腍身嘅薯仔，法式蒜蓉包吸满咖喱汁，如果钟意食脆身少少嘅建议先攞出嚟。另外有杂菌金边粉，份量多，入味但唔油。最后以椰汁千层糕作结，甜度适中，食完饱饱。