雪山冰廳

营业中

休息中

放假我和妈咪都好喜欢带谦谦周围去唔同地方玩下， 玩完就会系附近食野，今次系长沙湾体育馆玩完就去左雪山食晚餐。玩完真系好肚饿叫左滋润炖汤二人套餐 ：⚛️ 去骨霸王鸡半只 ～ 霸王鸡加上青葱和甜豉油，仲要无骨鸡又滑好正，最岩谦谦食。⚛️ 黑醋薯角牛仔骨 ～ 我自己钟情薯角，呢味牛仔骨先走油再加黑醋去煮好惹味。⚛️ 鸡脚花旗参炖汤 ～ 好足料滋味浓郁，鲜美甘淳。⚛️ 油饭 ～ 加钱转油饭， 鸡油渗入饭里几香。🧋 港式茶走红豆冰 + 冻柠檬茶月～ 用左茶走做底的红豆冰唔太甜仲好饮。另加 老坛酸菜鱼 （迷你份量）～ 估唔到迷你份量都会咁大碗， 鱼片无骨够滑溜，可以放心进食， 味道唔会太辣，连谦谦都食左好多片，配菜亦好多。