天池日式放題 (已結業)

一向都钟意食放题，一个价钱食到饱，对于相对大胃口既我就梗系抵啦！今天来挑战呢间天池，在油麻地地铁站附近，相当就脚。食物选择都几多，仲可以加钱$88升级有多啲好嘢㨂。呢度用电话落单，快捷方便，好似而家都越来越多放题店用呢种方式了。食放题梗系要食刺身，三文鱼、八爪鱼、北寄贝、马刀贝、甜虾、虎虾等等系唔驶加钱都有得食，升级后仲可以试埋阿根廷珍宝赤虾、吞拿鱼、油金鱼、帆立贝等等，刺身好新鲜，卖相一流，真材实料！寿司因为连埋旧饭我就少叫，但有个海胆刺身甜虾甜筒杯一定要叫，海胆新鲜，配落新筒杯（唔系紫菜）好fusion!另外当然要叫啲熟食俾小朋友啦，日本番薯仔串、波罗串、芝麻鸡翼、鸡肉串、盐烧鲭鱼等等都好唔错，仲有榴梿炸弹、香草羊架、黄金大虎虾、海胆黄金蚝、焗扇贝、牛脷串都系大人喜爱之物。甜品和饮品就自己出去攞，饮品主要系韩国汽水、鸿福堂系列同啤酒，想饮茶都可以出去自己斟。除咗雪糕柜之外，佢出边仲有个甜品架放咗不同蛋糕仔，而且佢嘅雪糕仲有啲好特别嘅味道可以拣，例如海盐味、玄米茶味等等，几得意。