影片
更多
2024-12-04
703 浏览
今日约咗朋友食午餐，想拣一间坐得舒服，可以慢慢食、倾吓偈嘅餐厅。于是我揾左一间楼上舖，好高级嘅日本料理，装修简约、清新，座位舒适、宽敞。而且午市套餐价钱合理。我哋一行二人，店员安排咗我哋坐吧枱，吧枱面对厨师，前面就系铁板，可以睇住厨师烹调食材，上碟后即刻送到我面前。餐厅有提供午市套餐，一人套餐包含多款小食及菜式，好吸引。首先来一份「火龙果沙律」，伙计全菜嘅时候都会细心咁为我哋介绍每一味菜式，呢一个菜式系用日本火龙果制成，特别香甜。跟住厨师将食材攞俾我哋先过目，包括咗龙虾、和牛。俾我哋影完相之后，厨师就喺我哋面前即刻煎。首先系「香煎龙虾」配合虾膏制成嘅酱汁，非常香口，充满龙虾膏嘅鲜味，龙虾肉已经拆左壳，容易食用，而且肉质非常鲜嫩。店员保留龙虾头，留待放入面豉汤入面，煲一煲，制作成浓郁嘅龙虾面豉汤。接着系牛扒厚切，配合海盐同埋蒜头片做配菜，蒜头片切到好薄，再炸到脆卜卜，好香口。另外，牛扒薄切配合葱花，卷成一条，葱花带出牛肉嘅鲜味，令食物更加丰富，味道更加有层次感。唔惊唔够饱，因为仲有「日式蛋炒饭」，配合日式酱油，好香蛋味，饱肚又惹味。接着系「炒杂菜」，均衡饮食必备。套餐包括甜品「豆沙抹茶大
我哋一行二人，店员安排咗我哋坐吧枱，吧枱面对厨师，前面就系铁板，可以睇住厨师烹调食材，上碟后即刻送到我面前。餐厅有提供午市套餐，一人套餐包含多款小食及菜式，好吸引。
首先来一份「火龙果沙律」，伙计全菜嘅时候都会细心咁为我哋介绍每一味菜式，呢一个菜式系用日本火龙果制成，特别香甜。
跟住厨师将食材攞俾我哋先过目，包括咗龙虾、和牛。俾我哋影完相之后，厨师就喺我哋面前即刻煎。
首先系「香煎龙虾」配合虾膏制成嘅酱汁，非常香口，充满龙虾膏嘅鲜味，龙虾肉已经拆左壳，容易食用，而且肉质非常鲜嫩。店员保留龙虾头，留待放入面豉汤入面，煲一煲，制作成浓郁嘅龙虾面豉汤。
接着系牛扒厚切，配合海盐同埋蒜头片做配菜，蒜头片切到好薄，再炸到脆卜卜，好香口。
另外，牛扒薄切配合葱花，卷成一条，葱花带出牛肉嘅鲜味，令食物更加丰富，味道更加有层次感。
唔惊唔够饱，因为仲有「日式蛋炒饭」，配合日式酱油，好香蛋味，饱肚又惹味。
接着系「炒杂菜」，均衡饮食必备。
套餐包括甜品「豆沙抹茶大福」，大福饼嘅糯米皮非常香滑，配合甜甜嘅豆沙馅料，好好味。
钟意食甜品嘅我，之后我哋仲叫多一份「焦糖多士」，都是配合焦糖，脆卜卜，非常推介。
张贴
