影片
更多
2017-02-13
12561 浏览
每年都会同朋友食开年饭，朋友一定会拣食自助餐，今年就㨂咗Yamm，可能啱啱过完年，所以年初六嘅夜晚无满座，都仲有位。食自助餐当然最钟意系冻海鲜同生蚝，生蚝比较细粒，但都系即开嘅，都新鲜，不过蚝味就淡少少。冻龙虾，好多膏，肉质几爽，好弹牙，不过噤大只，食一俩只都已经觉得饱晒。我就最钟意冻蟹，原只上，有鲜味又甜。而蟹脚就最差，完全无味，好淡。跟住食刺身，得三款，有三文鱼，吞拿鱼同八爪鱼，三文鱼最好食，其他两款就普普通通，所以食咗一次都无再攞。鳗鱼同海胆寿司仲好食d，寿司饭细细件，食多两件都仲得。日式冻螺肉，一樽樽攞，不过我就觉得多咗d，细番少少好d，要同朋友一齐食先食得晒。跟住食热荤，食咗燕窝炒蛋，即叫即炒，热辣辣好新鲜，其实燕窝本身都无乜味，但系d蛋都几香同滑，都几好食。再食燕窝灌汤饺，原盅上，都几多燕窝，饺子皮都好薄，连汤都饮清光。鹅肝多士，鹅肝煎得干干地，入口甘香，配埋又薄又脆嘅多士，好食。小笼包都唔错，有肉味，而且好多汤汁。海胆炒饭，饭炒得好干身，一d都唔油，又食到海胆嘅香味。甜品有梅子果冻，酸酸味味，开胃消滞。抺茶布甸，抺茶味好浓好滑，不过就甜咗少少。饮品仲有落神花茶无限添饮，酸
每年都会同朋友食开年饭，朋友一定会拣食自助餐，今年就㨂咗Yamm，可能啱啱过完年，所以年初六嘅夜晚无满座，都仲有位。
食自助餐当然最钟意系冻海鲜同生蚝，生蚝比较细粒，但都系即开嘅，都新鲜，不过蚝味就淡少少。冻龙虾，好多膏，肉质几爽，好弹牙，不过噤大只，食一俩只都已经觉得饱晒。我就最钟意冻蟹，原只上，有鲜味又甜。而蟹脚就最差，完全无味，好淡。
跟住食刺身，得三款，有三文鱼，吞拿鱼同八爪鱼，三文鱼最好食，其他两款就普普通通，所以食咗一次都无再攞。鳗鱼同海胆寿司仲好食d，寿司饭细细件，食多两件都仲得。
日式冻螺肉，一樽樽攞，不过我就觉得多咗d，细番少少好d，要同朋友一齐食先食得晒。
跟住食热荤，食咗燕窝炒蛋，即叫即炒，热辣辣好新鲜，其实燕窝本身都无乜味，但系d蛋都几香同滑，都几好食。
再食燕窝灌汤饺，原盅上，都几多燕窝，饺子皮都好薄，连汤都饮清光。
鹅肝多士，鹅肝煎得干干地，入口甘香，配埋又薄又脆嘅多士，好食。
小笼包都唔错，有肉味，而且好多汤汁。海胆炒饭，饭炒得好干身，一d都唔油，又食到海胆嘅香味。
甜品有梅子果冻，酸酸味味，开胃消滞。抺茶布甸，抺茶味好浓好滑，不过就甜咗少少。
饮品仲有落神花茶无限添饮，酸酸地，好解渴。
最后食埋水果同饮埋杯热柠茶，真系饱晒。
Yamm其实都食过好多次，不过我今次就觉得佢d海鲜麻麻地，虽然好多选择，仲加得都好快，但系就好似无乜味，今次热荤好似出色d。
张贴
