影片
更多
2021-04-28
267 浏览
放假梗系要去食好啲啦!星期日就去左岚桥食餐好。餐厅提供刺身、寿司、串烧、炸物、煮物，完全可以满足到我。萤光鱿鱼冲渍$48先嚟个餐前小食，萤光鱿鱼好可爱，细细只胀卜卜，渍物嚟嘅，鱿鱼已经煮熟左，肉质软软的。唐扬小池鱼$48呢个小食好啱用嚟𩠌酒，薄薄的炸浆包住小池鱼炸得金黄香脆，连骨都食埋，洒上柠檬汁，点上蛋黄酱，好香口。刺身左口鱼10片 $118:切得博博的，半透明状，食落肉质好似带点胶质，点上柚子日本豉油，几鲜美。沙甸鱼$260: 呢条沙甸鱼食法系做成类似他他沙律，沙甸鱼小粒软滑，用香葱、炸蒜丝同埋特制酱汁调味，食嘅时候用紫菜包住食，味道几丰富。金线鲷2切 $68: 呢个系非常厚切，经过火炙，鱼油脂香更为突出，火炙嘅独特香味，加上鱼本身嘅鲜味，好正。鲜八爪鱼寿司$28/件平时食熟嘅八爪鱼寿司多，今次就食鲜八爪鱼，软滑得嚟又带点爽身。葱花拖罗鱼蓉军舰寿司$48/件满满嘅拖罗鱼蓉，肥美冇筋，加上香葱，配上紫菜，冇得输。牛小排青葱卷$48/串外面嘅牛肉烧得焦香，里面一大紥青葱，咬落去青葱好多汁，好香，葱控不能错过。鲍鱼鸡翼$78/串呢个配搭几特别，通常都系食明太子酿鸡翼。烧鸡翼已经起骨，鸡皮
萤光鱿鱼冲渍$48
先嚟个餐前小食，萤光鱿鱼好可爱，细细只胀卜卜，渍物嚟嘅，鱿鱼已经煮熟左，肉质软软的。
唐扬小池鱼$48
呢个小食好啱用嚟𩠌酒，薄薄的炸浆包住小池鱼炸得金黄香脆，连骨都食埋，洒上柠檬汁，点上蛋黄酱，好香口。
刺身
左口鱼10片 $118:切得博博的，半透明状，食落肉质好似带点胶质，点上柚子日本豉油，几鲜美。
沙甸鱼$260: 呢条沙甸鱼食法系做成类似他他沙律，沙甸鱼小粒软滑，用香葱、炸蒜丝同埋特制酱汁调味，食嘅时候用紫菜包住食，味道几丰富。
金线鲷2切 $68: 呢个系非常厚切，经过火炙，鱼油脂香更为突出，火炙嘅独特香味，加上鱼本身嘅鲜味，好正。
鲜八爪鱼寿司$28/件
平时食熟嘅八爪鱼寿司多，今次就食鲜八爪鱼，软滑得嚟又带点爽身。
葱花拖罗鱼蓉军舰寿司$48/件
满满嘅拖罗鱼蓉，肥美冇筋，加上香葱，配上紫菜，冇得输。
牛小排青葱卷$48/串
外面嘅牛肉烧得焦香，里面一大紥青葱，咬落去青葱好多汁，好香，葱控不能错过。
鲍鱼鸡翼$78/串
呢个配搭几特别，通常都系食明太子酿鸡翼。烧鸡翼已经起骨，鸡皮系重点，烧得香口，鸡肉Juicy，最里面的矶烧鲍鱼爽滑。
田乐烧豆腐$28/串
呢个骤眼看好似臭豆腐，豆腐外皮烧得香脆，好似炸臭豆腐外层嘅质感，但系咬开就唔同，呢个系非常嫩滑嘅豆腐，配上日式甜甜面豉酱，简单好味。
杂锦天妇罗汤乌冬$138
天妇罗有两只虾、一件鱼，一件南瓜片、一件番薯片，好丰富，香脆可口，怕热气仲可以浸汤乌冬一齐食。乌冬汤底清甜，我哋冇特别加钱转稻庭乌冬都好烟韧。
张贴
