花漾

营业中

休息中

今日黎到銅鑼灣搵食，呢間網上評分好高，所以就黎試下佢，一試便愛上。廢話唔多講，立即入主題。首先我地點左個小食咖也斑蘭多士。呢個食星馬泰餐係必食既，中間厚厚一層牛油加咪咖也醬。外脆內軟。非常感受到佢既熱情❤️，滿滿既愛。主食方面就點左個海南雞飯拼喇沙，海南雞好少骨，啖啖肉食得好放心，配咪油飯簡直係人生一大享受。重有唔少得既喇沙，一次過滿足兩款口味。跟餐再附送一個小食，我地選左流心南瓜丸，真係好流心，香脆可口，都係唔錯既選擇。另一個主食係馬來風味椰子雞喎，呢個餐有成半隻雞咁多，非常抵食，椰子🥥雞湯非常香濃，一件件雞件放入鍋慢煮，椰子🥥湯既味道溶入雞肉道，非常清新，配咪油飯食真係世界級享受。最後跟餐加8蚊可以加配特飲，我地選左芒果冰配芒果雪糕，大大杯非常夠份量，芒果味好濃，非常有誠意，值得一試。