不倒翁中日火鍋料理

营业中

休息中

周日夜晚約朋友打邊爐🥘，選擇不倒翁中日火鍋料理，因為交通幾方便，環境舒適。💜 叫了2人套餐，$980，每位醬油 $25，另外有加一服務費。套餐內容豐富，我地食得飽飽。❤️🥤竹蔗水非常清潤，好好飲唔會過甜。🍣首先嚟咗盤魚生，有希靈魚、吞拿魚、赤貝及甜蝦，都幾新鮮。揀咗瑤柱白粥鍋底，清清地，突顯食材嘅味道😋套餐配料可以自選，揀咗手切肥牛肉🐂，肉味濃郁，肉質嫩滑。海鮮有蟶子、龍躉片，新鮮肥美😍😍脆鯇骨腩片爽口嫩滑。😚加埋烏冬、娃娃菜及四寶丸，好滿足。