炙・宴 (利東街) (已改名) 查看

湾仔利东街有唔少餐厅，炙・宴位置唔喺大街，可能少啲人会留意到。佢哋主打系烧肉丼，不过都有鱼生饭可以拣。餐牌有个二重丼份量多多，啱晒我哋带住👦🏻又想试多啲款式嘅人。月见猪腩肉丼配炸鸡芝士黑咖喱饭烧肉丼系招牌菜，大大片猪腩肉，入口完全唔油腻，个烧汁超级好味，炸鸡有三大件，啖啖肉，够香脆，黑咖喱几特别，芝士🧀略嫌唔够多。两个饭都系有水准，不过烧肉丼实在太出色，完胜。角设鱼生丼配乌冬(冷)鱼生丼符合期望值，鱼生够新鲜，冷乌冬用冰垫住，食时放入鲣鱼汁蘸住食，Keep到乌冬嘅烟韧同弹性。两个Set都跟面豉汤、沙律、饺子、Mochi同饮品，百零蚊一个Set算合理，食物质素亦都好好，烧肉丼系必食item。