影片
更多
2024-10-20
297 浏览
早排听朋友介绍过油麻地呢间「小草十八怪」，据说餐厅主打石锅米线，配料选择多多，而且烹调过程更可以自己 DIY，有得食又有得玩，非常特别！趁今日行开呢头，顺便过嚟试下。舖面布置得几雅致，加上一室霓虹灯装饰，艳丽缤纷，为空间增添不少色彩。餐牌包罗万有，选项甚丰，除咗招牌米线外，仲有无火生滚石锅煲仔饭、明炉烤鱼、奄仔蟹鸡煲同中式串烧等供应。点咗两份主食，明炉烤海鲈 配 火腿肉骨汤 同 石锅煲仔饭各一。海鲈鱼用卡式便携炉滚住，而且跟餐还会奉送手打柠檬茶一杯。鲈鱼轻轻炸过，外脆内嫩，口感绝佳。配料有豆卜、莴笋、莲藕和芽菜等。另外仲加咗响铃、咸蛋黄炸鱼皮 同 猪肉丸，响铃酥香松化、放入汤内数 2 秒就食得；炸鱼皮沾满咸蛋黄碎，放汤净食都咁正！至于另一客无火生滚石锅煲仔饭亦相当有趣，煲仔饭毋须用火，见店员将米饭、极品蟹皇汤底和材料放入石锅内，自煮 12 分钟就搞掂，热焫焫、香喷喷！今次拣咗腊肠、腊鸭髀同排骨，腊肠油润甘香、腊鸭软腍入味，而排骨亦肥瘦适中，米饭渗满腊味嘅油脂，入口粒粒分明，唔使加甜豉油已经好够味。临走发现原来餐厅而家做紧大优惠，下午4点后至6点前入座，惠顾烤鱼或鸡煲套餐，可享全单65折
早排听朋友介绍过油麻地呢间「小草十八怪」，据说餐厅主打石锅米线，配料选择多多，而且烹调过程更可以自己 DIY，有得食又有得玩，非常特别！
趁今日行开呢头，顺便过嚟试下。舖面布置得几雅致，加上一室霓虹灯装饰，艳丽缤纷，为空间增添不少色彩。
餐牌包罗万有，选项甚丰，除咗招牌米线外，仲有无火生滚石锅煲仔饭、明炉烤鱼、奄仔蟹鸡煲同中式串烧等供应。
点咗两份主食，明炉烤海鲈 配 火腿肉骨汤 同 石锅煲仔饭各一。海鲈鱼用卡式便携炉滚住，而且跟餐还会奉送手打柠檬茶一杯。
鲈鱼轻轻炸过，外脆内嫩，口感绝佳。配料有豆卜、莴笋、莲藕和芽菜等。
另外仲加咗响铃、咸蛋黄炸鱼皮 同 猪肉丸，响铃酥香松化、放入汤内数 2 秒就食得；炸鱼皮沾满咸蛋黄碎，放汤净食都咁正！
至于另一客无火生滚石锅煲仔饭亦相当有趣，煲仔饭毋须用火，见店员将米饭、极品蟹皇汤底和材料放入石锅内，自煮 12 分钟就搞掂，热焫焫、香喷喷！
今次拣咗腊肠、腊鸭髀同排骨，腊肠油润甘香、腊鸭软腍入味，而排骨亦肥瘦适中，米饭渗满腊味嘅油脂，入口粒粒分明，唔使加甜豉油已经好够味。
临走发现原来餐厅而家做紧大优惠，下午4点后至6点前入座，惠顾烤鱼或鸡煲套餐，可享全单65折、6点后至7点前入座，全单75折、7点后入座就全单85折👍
张贴
