影片
更多
2023-11-01
24 浏览
餐厅：U IZAKAYA (铜锣湾)地址：铜锣湾耀华街38号ZING!10楼铜锣湾耀华街出名多食肆🍽，今次去咗ZING!10楼呢间Fusion创意西日式餐厅——U IZAKAYA @uizakaya 食晚饭，唔知你又有冇去过呢🤓？餐厅开咗接近一年，佢哋主打用海胆做主题嘅西日式Fusion菜，成个餐牌有成二十几款特色海胆菜式，海胆大部分由日本北海道直送🇯🇵，唔同季节会提供唔同嘅海胆，另外仲有各款寿司刺身、日式和食、串烧🍢、铁板♨️、牛扒等，而午市同晚市嘅套餐同样吸引咗唔少人过嚟食返餐好嘅😌餐厅有室内同室外座位，餐厅嘅中庭位置有个吧枱，客人可以喺度望住Bartender调制Homemade Cocktails🍸，食完嘢可以同朋友叫返杯嘢饮，边饮边吹水🗣；依家天气凉凉哋，唔怕大风嘅话坐室外都喺一个几唔错嘅选择，可以由ZING! 10楼望出去铜锣湾嘅夜景，非常写意🥰今次叫咗个原价要$828嘅Dinner Menu，依家只需要$638就食到😍，九道菜嘅份量十分足，除咗刺身同海鲜🦪，当然唔少得餐厅嘅招牌海胆同串烧等美食✝️慢煮鸡胸凯撒沙律轻轻炙烧慢煮过嘅鸡胸片，嫩滑嘅肉质伴随住阵阵炙烧香味🔥，配埋羽衣
地址：铜锣湾耀华街38号ZING!10楼
铜锣湾耀华街出名多食肆🍽，今次去咗ZING!10楼呢间Fusion创意西日式餐厅——U IZAKAYA @uizakaya 食晚饭，唔知你又有冇去过呢🤓？
餐厅开咗接近一年，佢哋主打用海胆做主题嘅西日式Fusion菜，成个餐牌有成二十几款特色海胆菜式，海胆大部分由日本北海道直送🇯🇵，唔同季节会提供唔同嘅海胆，另外仲有各款寿司刺身、日式和食、串烧🍢、铁板♨️、牛扒等，而午市同晚市嘅套餐同样吸引咗唔少人过嚟食返餐好嘅😌
餐厅有室内同室外座位，餐厅嘅中庭位置有个吧枱，客人可以喺度望住Bartender调制Homemade Cocktails🍸，食完嘢可以同朋友叫返杯嘢饮，边饮边吹水🗣；
依家天气凉凉哋，唔怕大风嘅话坐室外都喺一个几唔错嘅选择，可以由ZING! 10楼望出去铜锣湾嘅夜景，非常写意🥰今次叫咗个原价要$828嘅Dinner Menu，依家只需要$638就食到😍，九道菜嘅份量十分足，除咗刺身同海鲜🦪，当然唔少得餐厅嘅招牌海胆同串烧等美食
✝️慢煮鸡胸凯撒沙律
轻轻炙烧慢煮过嘅鸡胸片，嫩滑嘅肉质伴随住阵阵炙烧香味🔥，配埋羽衣甘蓝、沙律菜、车厘茄、面包糠同芝麻🥗，加上自家制酸酸甜甜嘅salad dressing就更开胃😋
✝️刺身寿司盛
好丰富嘅刺身寿司拼盘，刺身有三文鱼、油甘鱼、阿根廷赤虾🦐；而寿司有火炙脑天额、黑松露带子、鳗鱼。
特别一提比较稀有嘅脑天额，即喺鱼头头顶前额嘅肉，每条鱼得1-2片，放入口软滑而无筋，鱼油丰腴带嚟浓郁鱼鲜香，我几钟意💕
✝️马赛鱼汤
法国南部普罗旺斯菜当中嘅名汤，用咗足料海鲜熬煮而成🦀，汤入面有鲜虾🦐、蚬、鱼肉同各式蔬菜🥕，鲜味十足
✝️海胆三文鱼籽茶碗蒸
用咗深橙黄色、胆肉瓣细细但相当肥美饱满嘅北海道根室海胆，海胆鲜味浓得嚟仲带有独特甜香🤩，配埋粒粒爆汁嘅蟹籽同蒸滑蛋，呢个全橙色嘅组合同富有丰富鲜味层次嘅茶碗蒸真喺冇得顶👍
再嚟嘅有味噌烧半壳蚝🦪、爽嫩嘅盐烧白鳝串烧同香口鸡软骨串烧，大厨嘅调味功架可以话相当了得👏，调味唔会因为太重手同太咸而抢咗食物本身嘅鲜味，
估唔到白鳝配埋日本兵库县有马山椒酱又几夹😎
✝️牛肉稻庭乌冬
将煮到半生熟嘅美国牛肉片铺满喺烟韧弹牙嘅稻庭乌冬上面，未食就已经觉得吸引🤤，浓厚牛膻香嘅牛肉片带有软绵绵质感，可以Encroe食多几块😝
最后送上抹茶雪糕，
仲叫多咗杯Mocktail——Fruit Body($68)🍹，用咗红莓汁、菠萝汁、雪碧同红糖水去冲调，当中仲有粒粒蓝莓同菠萝肉，清甜有气又解渴😌
张贴
