616燒肉酒場 (已結業)

次次系大围经过都会见到依间616烧肉酒场好似几正，见前排凉左少少，又唔想去油尖旺，留返系大围食烤肉。我地点点左价值$888嘅菊。和牛御宴，套餐包左黑毛和牛肉眼 、澳和肉眼上盖、黑毛和牛极上牛小排、澳和牛腹肉、黑毛和牛友三角肉、澳和牛肋条、野菜和白饭。食牛肉边少得酱汁，佢地配左苹果汁，烧肉汁，岩盐俾你地沾黎食。我地先食澳和牛腹肉，肉质都几细嫰，肉味香浓。黑毛和牛极上牛小排油脂分布得好靓，入口即溶嘅口感，真系不得了，再食啖白饭、杏鲍菇中和佢嘅油腻感。再食肉眼上盖，油腻分布平均，油腻感无和牛咁强，但肉质劲嫰滑。黑毛和牛牛肋条烧得一半将佢剪开，再烧到件件外脆内嫰，牛肉味浓郁，也有点嚼劲。黑毛和牛西冷份量十足，我地喜欢比较嫰嘅口感，所以烧到5成熟就刚刚好，食到饱饱。最好黎个柚子雪葩作结尾。