丼瀛 (已結業)

放假约左朋友饭，拣左位于佐敦的丼瀛。铺面唔算大，装修几和风。入坐后我地点左佢的人气推介丼瀛龙虾沙律刺身双层爆丼 同几道小食。刺身沙律 - 份量十足，有三文鱼、吞拿鱼、帆立贝，味道鲜甜。伴碟的沙律菜够新鲜，配埋黑醋，够晒开胃。丼瀛龙虾沙律刺身双层爆丼  -  丼饭卖相好吸引，上层有原只龙虾、刺身同丼饭，剌身包括三文鱼、吞拿鱼、剑鱼、帆立贝、油甘鱼、䲞鱼，非常丰富，全部好厚切又新鲜。三文鱼好肥美、帆立贝大大粒好鲜甜。龙虾刺身混合左三文鱼籽同虾膏，弹牙爽口。丼饭用上日本小津米，饭粒饱满。下层有荞麦冷面口感滑嫩。安格斯牛寿喜烧 -  牛肉肉质唔错，唔嚡口，厚度适中好有肉香。芝士年糕 - 外皮烟烟韧韧，内里系满满的芝士，放入口有种断丝连既感觉。