豐味車仔麵

营业中

休息中

今日同朋友行开旺角，两个未到月尾，就已经荷包干的穷鬼，肚饿了就梗系要入女人街揾嘢食喇， 贪入面啲餐厅选择多， 价钱较大众化。今次拣丰味车仔面，系因为店员姐姐喺门口叫「有车仔面食呀有车仔面食呀」 朋友拣嘢食好简单， 见姐姐系靓女咁就入咗去喇。丰味车仔面最特别嘅地方系有三种汤底可以拣嘅， 有川味麻辣煲， 重庆酸辣粉的汤底， 以及传统港式车仔面汤底， 传统港式车仔面汤底又可以加腩汁，各种辣度，同埋腩汁等等。今日朋友叫咗碗重庆酸辣粉汤底， 另外有几多三样𩠌有牛栢叶， 鱼肉春卷同埋金菇。 汤底都够酸够辣嘅， 仲有少少麻嘅口感， 而且𠮶份都大碗。 唯一美中不足的是， 呢度冇芫茜同埋冇花生， 如果加埋呢两样嘅话， 就更加高兴啦。而我叫咗碗传统港式车仔面汤底嘅车仔面， 叫咗萝卜绍菜同埋牛腩， 因为我比较细食所一个幼面其实都够， 萝卜都算清甜， 系牛腩有啲细粒同埋有啲肥， 不过整体嚟讲都算ok啦。