影片
更多
2021-03-08
1378 浏览
Monday Blues，不过今日我放假，哈哈！放假黎左呢一间单字一个丰既日式餐厅食餐好。餐厅位于尖咀一条好静既街，装修非常之日式寿司bar，有张大大寿司枱，客人围住师傅工作空间坐，每两个位用易拉架同胶板隔住，可以睇住师傅手握寿司。座位唔多，一定先订位好d。Lunch Menu 有七款定食选择，分别有omakase寿司，日替定食，和牛或豚肉寿喜烧，豚肉生姜烧同烧鱼等，定食包前菜，茶碗蒸，吸物，咖啡或甜品，价钱由$280到$980，视乎选择，另收加一。今次系我第一次黎，决定叫个穗日替定食黎试下先。师傅同菜单都讲明所有菜式均以日本直送白神山水烹调。茶碗蒸及前菜（跟餐）前菜系冻玉子卷中间酿左明太子，上面再加d白萝卜溶，系我第一次食玉子卷做前菜。通常我最钟意食热辣辣既玉子，冻既真系少食，因为好难好食。呢个玉子卷大小啱啱好一口食哂，冻冻哋又有白萝卜香同微微明太子咸香，好refreshing。茶碗蒸蒸蛋好滑，明显冇落盐，我钟意，面头一旧新鲜脆冬菇，下底居然有一旧少见既白鱼，都算唔鞋口。穗日替定食 $450+10％穗日替定食用一个好靓既盒上枱，一打开我个心就哗左一声。好靓!菜单写明包三款刺身同烧物
Lunch Menu 有七款定食选择，分别有omakase寿司，日替定食，和牛或豚肉寿喜烧，豚肉生姜烧同烧鱼等，定食包前菜，茶碗蒸，吸物，咖啡或甜品，价钱由$280到$980，视乎选择，另收加一。
今次系我第一次黎，决定叫个穗日替定食黎试下先。师傅同菜单都讲明所有菜式均以日本直送白神山水烹调。
茶碗蒸及前菜（跟餐）
前菜
19 浏览
0 赞好
0 留言
前菜系冻玉子卷中间酿左明太子，上面再加d白萝卜溶，系我第一次食玉子卷做前菜。通常我最钟意食热辣辣既玉子，冻既真系少食，因为好难好食。呢个玉子卷大小啱啱好一口食哂，冻冻哋又有白萝卜香同微微明太子咸香，好refreshing。
茶碗蒸蒸蛋好滑，明显冇落盐，我钟意，面头一旧新鲜脆冬菇，下底居然有一旧少见既白鱼，都算唔鞋口。
穗日替定食
$450
22 浏览
0 赞好
0 留言
穗日替定食 $450+10％
穗日替定食用一个好靓既盒上枱，一打开我个心就哗左一声。好靓!
穗日替定食
$450
9 浏览
0 赞好
0 留言
菜单写明包三款刺身同烧物 ，但系原来刺身系好多款。师傅每样食物都向我介绍下，又建议顺时针方向食刺身。我真系好少第二样刺身就食拖罗。
立鱼
4 浏览
0 赞好
0 留言
立鱼三块，超新鲜绝对唔会雪过龙，质地实在。
拖罗
28 浏览
0 赞好
0 留言
拖罗两块，完全冇筋，入口即溶，油花四溢。
带子, 萤光鱿鱼, 三文鱼籽
7 浏览
0 赞好
0 留言
带子一大块切开两边，新鲜厚切，非常鲜甜，啖啖肉。萤光鱿鱼两件，爽脆超重海水味。三文鱼籽咸香，送白饭一流。
赤身
7 浏览
0 赞好
0 留言
赤身两大旧三角形厚切，新鲜啖啖肉，上面洒上d细樱花增添香味，好特别。
蟹肉,海胆
6 浏览
0 赞好
0 留言
海胆两片，超creamy同鲜甜，完全唔腥。蟹肉有蟹味，好过好多地方，如果可以全去哂壳就仲正。
穗日替定食
$450
15 浏览
0 赞好
0 留言
烧物系烧银鳕鱼，虽然份量唔多而且我摊到冻哂先食，但系都食到肉质实在，味道微甜，仲配有沙律酱。建议大家趁暖食先，唔好好似我咁食哂刺身先。白饭系热既，虽然唔系满碗但系原来个碗好深。我好钟意佢粒粒都系涨卜卜，好有咬口!
服务员又同我介绍返渍物系咩。渍物有三块爽脆酸甜柚子萝卜，真系好好味。酸姜系较湿同甜个只。 Wasabi系生磨，送刺身好好味。
吸物系面豉汤， 有两旧豆腐同好多昆布，热度同咸度适中。值得一提系个汤碗超靓。
可以拣咖啡或者焦糖炖蛋芝士蛋糕。虽然已经好饱，我呢个甜魔梗系拣甜品啦!原本仲以为系焦糖炖蛋味既芝士蛋糕，点知原来系冻芝士蛋糕上面将个顶烧到热热地变焦糖面，下面芝士好软滑浓厚，底层仲有厚厚既饼底，加添口感。呢个跟餐甜品好唔普通，明显餐厅诚意十足。
焦糖炖蛋芝士蛋糕
19 浏览
0 赞好
0 留言
服务态度极好，服务员会主动介绍食物，加添热玄米茶及时，照顾周到。座位舒适，略嫌冷气太冻，可能我著得太单薄。整体而言，今餐所有刺身质素都极高，唔怪得定价唔低，偶然食一餐荷包唔太伤，个人都开心d。无论味觉，视觉同感觉都大大满足，好正既一餐高级日式料理。
张贴
