丼丼屋 (青衣城1) (已結業)

以前喺地牢个层，未试过，依家搬左上二楼，见到menu好似好吸引，今次入去试试。坐位唔算太阔，坐得一般。每个位都可以自助任加水蕃茄豆腐沙律 $25⭐️⭐️⭐️⭐️蕃茄新鲜，豆腐滑滑，酱汁偏酸，都几开胃既。十胜带广名物豚丼-特盛 $108 ⭐️⭐️⭐️见到大大广告劲想试呢个，有并盛(R)$88同特盛(L)$108，一问之下原来饭既份量一样，只系特盛会多2块豚肉。珍珠米唔错，豚肉好香，可惜比较鞋。如果喜欢食豚丼，一风堂既豚丼细细个d肉嫩仲可以加蒜蓉好味好多。福井蟹丼定食 $198（期间限定）⭐️⭐️⭐️⭐️蟹膏系成个定食既重点，捞完饭已经唔大蟹膏味，如果多d就好啦！蟹肉就应该系雪藏蟹柳，蟹味无乜。隔离有两枱食吉列猪扒滑蛋好似几香，同埋有人食烧澳洲和牛定食都好劲咁，隔离饭香，下次试个2个睇下会唔会有唔同评分。