影片
更多
2015-10-10
1661 浏览
谂番起，爱上拉面就系因为豚王。都应该最少6年前，香港仲未有咁多家豚骨拉面店。偶然系沙田食到豚王，真系一试倾心。我本身钟意食面，好大原因系钟意多姿多采既汤底，令到比较单纯既面都更易入口，味道更有层次（系，我好肤浅的，未做到食到面本身既原味之类……）而豚骨拉面香浓既汤，再配埋叉烧、玉子，永远都俾到我满足……后来系沙田食过赤王、黑王，反而觉得过犹不及，辛辣味无乜惊喜，墨鱼汁更加味道不彰，但系徧徧好似沟淡左豚骨味咁，系有少少失望，再后来系食左博多一幸社、一兰、魂、拉面来、金田家，觉得实在系各有千秋，豚王于是又淡出视野外……今次因工作原因去铜锣湾，于是去登龙街豚王。当然有冰水，基本功。然后当然选择豚王，其他味道已经无乜兴趣。本身希望食到最原本既味道，所以样样野都想拣普通，但系又难敌重口味之魂，于是香味油同蒜蓉都选左浓同多；叉烧当然选腩肉，贪其有油份有脂香丰润香口；然后见到唐辛酱，唔太记得几年前有否此物，当然最有印象系一兰有……今次又会系一样吗？面又系唔肯定以前有无太面，今次就试试吧！而且要硬的！再加一颗糖心日本蛋，就系完善完美既组合。面到！试一啖汤，仍旧浓郁，感觉上油腻度刚刚好，食得出严格控制材
后来系沙田食过赤王、黑王，反而觉得过犹不及，辛辣味无乜惊喜，墨鱼汁更加味道不彰，但系徧徧好似沟淡左豚骨味咁，系有少少失望，再后来系食左博多一幸社、一兰、魂、拉面来、金田家，觉得实在系各有千秋，豚王于是又淡出视野外……
今次因工作原因去铜锣湾，于是去登龙街豚王。
当然有冰水，基本功。
然后当然选择豚王，其他味道已经无乜兴趣。本身希望食到最原本既味道，所以样样野都想拣普通，但系又难敌重口味之魂，于是香味油同蒜蓉都选左浓同多；叉烧当然选腩肉，贪其有油份有脂香丰润香口；然后见到唐辛酱，唔太记得几年前有否此物，当然最有印象系一兰有……今次又会系一样吗？面又系唔肯定以前有无太面，今次就试试吧！而且要硬的！再加一颗糖心日本蛋，就系完善完美既组合。
面到！试一啖汤，仍旧浓郁，感觉上油腻度刚刚好，食得出严格控制材料既份量，以控制好每一碗面既质素。但系可能系因为香味油同蒜蓉都选左浓同多，有少少死咸既感觉，但系，即使加多左香味油同蒜蓉，理应唔系得死咸……但系只系少少，其实接受到既。唐辛酱比一兰既刺激，少少刺喉，我只选左1辛，还好，有一兰珠玉在前，俾唔到咩惊喜；叉烧有三大块，十分满意，肥瘦相间平均，有脂香肥而不腻，有肉香，一啖入口满嘴丰盈。绝对唔似金田家个只会烂叉烧，都唔似一兰咁薄到食左好似无食。
木耳同葱都无咩特别，就系木耳同葱，连葱同吃多一份香味，连木耳同吃就多一份口感咁样。
糖心日本蛋同样高质，煮既时间刚刚好。整体系感觉到个份诚意，但系样样做到岩岩好又可能无左个特色……系咁多拉面落户既登龙街，迟下又会唔会继续有咁多人排队呢？
张贴
