豚道樂 (百合苑商場) (已結業)

今日决定黎黄埔行下，入到黎九号水产揾食。点知好多都未开门，定系已结束营业。就系门口近近地揾间拉面食，点知有惊喜。最开心系拉面店面有BB櫈，岩晒我地呢啲一家大细出门。 特上原味豚骨拉面  先呷一口汤，劲浓，劲甜，好香猪骨味，质地仲好滑好忌廉咪。面底拣左幼直面，需要硬度略为未做到。特上有好多片叉烧，真系非常多，叉烧经过烧烤，表面微焦，多一份炭香味。半只溏心蛋酱油味几入味，蛋黄半熟，刚刚好。仲有紫菜等配料，非常丰富，味道也不错。 特上海老汤拉面  另一款海老汤拉面系假日限定，汤底系猪骨嘅基础下，再加入海老，味道更加浓郁鲜味。特上配料同前一款相同，因为海老题，再加上一大把樱花虾，多一个香脆口感，非常不错。呢碗要求加上辣酱，更可以带少少辣味提香，加得正确。难得带埋小B都可以叹拉面，可能系久违了的拉面的味道，呢餐觉得份外好味。 Bookmark一下先。