炊豕店 (曉悅) (已結業)

朋友介绍长沙湾有一间豚肉嘅专门店，爱好豚肉既我，当然立即去一探究竟。果然成张餐牌有90%系豚肉菜式，每一样都非常精美、令我食指大动😆葱油猪扒饭～呢度嘅主打项目，我当然唔会错过啦！一嚟到见到葱油铺满整块巨大猪扒！绝对可以用「冲击眼球」嚟形容！葱油包含咗白芝麻同其他调味料完全够哂味！猪扒亦都系厚切又多汁，绝对唔会干柴柴！炸浆仲要系超级薄，完全唔会食到一口都系油！冲绳猪软骨饭～朋友点左呢一个香软多汁嘅猪软骨饭，加上莲藕同白萝卜都系非常入味，佢话十分满足！卤水鸡翼～呢度嘅卤水汁系自家制嘅！就算食到几饱，都要点卤水鸡翼嚟食吓😝果然冇令我失望，鸡皮依然系清爽，而且卤水嘅味道唔会过于浓味同咸，反而刚刚好！恰到好处！饮品以罐装/支装为主，干净卫生。