影片
更多
2017-01-26
885 浏览
Elephant Grounds早听闻依个品牌，喺间融入咗亚洲风味嘅咖啡店，最近朋友得知湾仔开咗家分店，再揾多两个朋友一齐聚旧叹番餐，当喺团年迷你聚。小店位处太古广场三期侧嘅一段永丰街，即金钟与湾仔边陲，无咗人来人往嘅繁嚣，却有份小街嘅恬静。由门面可见，餐厅以木系为装修主调，摆设唔少盆栽作为点缀。再走进店内，原木嘅装潢就更明显，地板、墙身、枱櫈都喺用上唔同嘅木材，加上楼底特高，空间感强，让人舒服随心。餐纸、餐碟、餐具……等等，均印有店家名字及大象图案。主餐牌A4纸底面两页印晒所有食品及饮品，前者分别有汤品及沙律类、EG招牌菜、丼类、面包类、共享小食类、甜点及雪糕；而后者有一系列咖啡、特饮、茶类……等等，就连啤酒、鸡尾酒及红白餐酒都有供应。此外，饮品方面，亦备有两张季节性餐牌，都喺一啲颇有特色嘅饮品，所以，我哋都专登拣嚟试试。Baby. It’s Cold Out There $45热朱古力作为基础，放上迷你绵花糖及彩虹碎糖，朱古力味极之浓郁，喺冬日暖身之选。Rainbow Hot Chocolate $60朋友杯「彩虹」绝对抢镜，以白朱古力做底，唧上五颜六色嘅糖浆幻化成彩虹，仲要画成一
由门面可见，餐厅以木系为装修主调，摆设唔少盆栽作为点缀。再走进店内，原木嘅装潢就更明显，地板、墙身、枱櫈都喺用上唔同嘅木材，加上楼底特高，空间感强，让人舒服随心。
餐纸、餐碟、餐具……等等，均印有店家名字及大象图案。
主餐牌A4纸底面两页印晒所有食品及饮品，前者分别有汤品及沙律类、EG招牌菜、丼类、面包类、共享小食类、甜点及雪糕；而后者有一系列咖啡、特饮、茶类……等等，就连啤酒、鸡尾酒及红白餐酒都有供应。
此外，饮品方面，亦备有两张季节性餐牌，都喺一啲颇有特色嘅饮品，所以，我哋都专登拣嚟试试。
Baby. It’s Cold Out There $45热朱古力作为基础，放上迷你绵花糖及彩虹碎糖，朱古力味极之浓郁，喺冬日暖身之选。
Rainbow Hot Chocolate $60朋友杯「彩虹」绝对抢镜，以白朱古力做底，唧上五颜六色嘅糖浆幻化成彩虹，仲要画成一只彩虹天鹅添，好睇之余，佢话饮落无想像中咁甜，感觉几唔错。
Orange Jacobs Latte $60积及橙饼喺细细个时好钟意食嘅朱古力饼干，联乘鲜奶咖啡又会有咩火花呢？有别常见嘅拉花，换上朱古力浆及香橙干片，朋友话入口咖啡香中渗出丝丝橙味，感觉神奇。
Orange Jacobs Latte
$60
48 浏览
1 赞好
0 留言
小弟杯姜味鲜奶咖啡就唔使多估都知哋乜，好多时晌圣诞期间就会出现依款咖啡，配件姜饼人曲奇。睇个拉花嘅细致度及咖啡面嘅平滑，就知拉得有一手，入口唔止口感均匀，咖啡有果香味，而姜味亦非常突出，感觉极暖身。
Ginger Latte
$48
22 浏览
1 赞好
0 留言
好有新鲜感嘅一道沙律，一来热沙律比较少接触（其实只喺微微暖），二来椰菜仔、樱桃萝卜、薄切风干猪面颊肉嘅组合都好少有，三来个煎蛋黄酱汁非捞匀落沙律度，而喺涂晌碗边，颇有种艺术感。依个以日式食材，带点法式烹煮嘅沙律，椰菜仔及樱桃萝卜咬落几爽脆，猪面颊肉带出烟熏咸香嘅惹味，酱汁又有种丰满嘅蛋香，讨好有惊喜！
Brussels Sprouts Radish
$75
83 浏览
1 赞好
0 留言
Winter Pumpkin Salad $95另一道南瓜沙律，卖相怡人，虽然好简单用上南瓜、牛油生菜、九芽菜、小红莓……等材料，但透过制作手法可以变得不一样。店员介绍时，话大厨将南瓜先雪藏再解冻，刨成薄片而做出一种熟口感，唔讲真喺以为煮过，入口爽甜，配合蜜糖芥末汁，以及杏仁片，令整道沙律口感富层次，味道有个性。
Avocado Toast $105面包类我觉得都喺佢哋啲特色菜，尤其之前晌食评见到依一款Avocado Toast，薄切均一嘅牛油果片，插入樱桃萝卜片，搽上香蒜蕃芫荽酱，再伴以流心蛋，非常吸引。将流心蛋轻切开，啲蛋黄浆澎湃咁涌出嚟，制止都制止佢唔彻，沾面包份外好食，而牛油果、香蒜蕃芫荽酱、蛋白拼上多士，的确滋味无穷，喺一份别出心裁、味道天然嘅多士菜式。
Avocado Toast
$105
50 浏览
1 赞好
0 留言
Salmon Avocado Poke $110餐牌有6款共享小食类，睇名字及食材组合，几有趣新颖。先将三文鱼粒、牛油果粒、葱丝搅匀，再放晌炸香芋片度一齐食，其实啲炸香芋片净食都几好味，又脆口，而油润嘅三文鱼、软熟嘅牛油果经甜辣椒豉酒调味，味道及口感好丰富，鲜、香、辣集于一身。
Miso Black Cod $145依一道更突出喺西日融和嘅菜式，以白味噌嚟腌黑鳕鱼，再以味噌做个蛋黄酱，够晒卖点，而且，伴以多种蔬菜：本菇、蜜糖豆、花椰菜、薯蓉、甘笋片……等等，令卖相色彩鲜明。黑鳕鱼皮脆肉嫩，带点咸香味，啲配菜就令人食得更健康。
Pink Lemon-Aid $68「雪糕三文治」亦喺依度甜点嘅招牌，亮点除雪糕喺自家制之外，「三文治」更用上巨型马卡龙，更会不时转款，而依期做紧嘅喺柚子雪糕配粉红色士多啤梨马卡龙，再加上一小粒迷你柠檬马卡龙、柠檬忌廉及开心果仁碎做装饰，实在一望令人目不转睛。友人知小弟喺甜品迷，更让我豪食半个，马卡龙烟韧少甜，雪糕嘅柚子香味十分突出而清新，质感又够晒软滑，一试难忘。
Pink Lemon-Aid
$68
37 浏览
1 赞好
0 留言
睇唔出Elephant Grounds形象年轻，一派咖啡店嘅格局，做菜却好有心思，无论食材配搭、烹调技巧，都颇为匠心独运，而店员对菜式都好有认识，问乜都回答到，服务周到，成晚嘅体验确喺令人称心。
张贴
