影片
更多
2009-12-17
633 浏览
唔好误会，我唔系咩食家，因为见好少呢间餐馆的食评，我谂其他会员都会好似我咁，希望去之前了解多 D 所以写咗少少嘢上嚟同大家分享一下：对呢度硬件嘅感想系，所有餐听职员都面带笑容同好客气咁款待我地坐低，同一般餐厅的礼貌差不多，唔使惊有人会白你眼，放心！ 现场分两层，见大部份 WALKIN 嘅香港客人都系被分配到地下果层，我估，楼上应该系招待 VIP 或者国内豪客喇地下一层大概有10-15张台，但只有我地一台加另一台客，静过鬼！ 前菜有一碟仔脆扑扑嘅花生，餐具，台布，台凳，室内装饰全部同一般有咗十几年历史的酒楼完全无乜分别，真系唔讲无人知入嚟食亲都最少几钱蚊落楼呀。 讲吓佢哋餐牌，其实台面已经插住个乜乜餐嘅牌，上面有三个餐，分别八百几，千头，同千尾嘅价钱，而家先知原来一钱蚊以下都有交易嘅！ 另外，果一本正式餐牌里面当然有更多高价菜式同餐啦，我蜡下眼见都个每人6000蚊嘅，好似系13头鲍鱼，真系流哂口水！ 值得一提的，系现场真系见到老板阿翁，佢重坐落个熟客张台倾咗好耐，见佢好 NICE 呀！我一心想同家人嚟食鱼翅燕窝鲍鱼嘅，BUDGET 都系每人二千蚊，个保长见我下不定主意食 18头
对呢度硬件嘅感想系，所有餐听职员都面带笑容同好客气咁款待我地坐低，同一般餐厅的礼貌差不多，唔使惊有人会白你眼，放心！
现场分两层，见大部份 WALKIN 嘅香港客人都系被分配到地下果层，我估，楼上应该系招待 VIP 或者国内豪客喇
地下一层大概有10-15张台，但只有我地一台加另一台客，静过鬼！ 前菜有一碟仔脆扑扑嘅花生，餐具，台布，台凳，室内装饰全部同一般有咗十几年历史的酒楼完全无乜分别，真系唔讲无人知入嚟食亲都最少几钱蚊落楼呀。
讲吓佢哋餐牌，其实台面已经插住个乜乜餐嘅牌，上面有三个餐，分别八百几，千头，同千尾嘅价钱，而家先知原来一钱蚊以下都有交易嘅！ 另外，果一本正式餐牌里面当然有更多高价菜式同餐啦，我蜡下眼见都个每人6000蚊嘅，好似系13头鲍鱼，真系流哂口水！ 值得一提的，系现场真系见到老板阿翁，佢重坐落个熟客张台倾咗好耐，见佢好 NICE 呀！
我一心想同家人嚟食鱼翅燕窝鲍鱼嘅，BUDGET 都系每人二千蚊，个保长见我下不定主意食 18头 定 22头 果个餐，于是就好好人咁，从厨房拎哂两只已经发起咗嘅出嚟我地面前比我地比较啦，唔。。 我见两只其实大小唔系差好远，而果个＄1480 嘅餐已经有齐哂我地想食嘅嘢，于是乎我就决定咗要呢个餐每人一个喇。
首先出场嘅，系蟹肉金山勾翅，个个汤盅都系满满的，而里面的翅系条条，唔系，应该系一排排，足足有半碗咁多，小弟墨水有限，唔识用文字形容，总知无论去饮宴或者澳门又或者曼谷的咩咩靓翅，呢一盅真系赢一条弥敦道，无嘢好挑剔！
紧随其后嘅，就系主角 "18头吉品鲍" 喇，而用嚟食鲍鱼嘅刀叉系用法国银器名牌 Christofle，盛载鲍鱼过只碟当然就系大家平时在电视广告上见到果只印住 "阿翁鲍鱼" 的碟啦。
18 头有几大？ 唔好以为好大呀，都系同只平时酒楼果只茶杯咁上下大架咋，拎起刀差切落去，一拖，刀背系黐住咗另一半嘅鲍鱼，糖心鲍鱼，未食都已经享受紧啦，紧住再设细件鲍鱼，HI 吓D呀翁秘制嘅鲍汁，哗，一入口即刻食到果种浓郁嘅鲍鱼香味，再合埋双眼细意品赏，同一时间，部长将另一碟菜送上台上，原来系好靓嘅鲍汁唐生菜，用来伴随只鲍鱼一妻食，将所以碟上嘅鲍汁一滴不留咁送到我的肚子里去。 这刻，真系觉得无嚟错，辛苦揾来自在食，真系无错嘅！
西兰花炒虾球，我觉得都系水准之作，不过相比起佢，我较为欣赏用嚟点佢嘅虾酱，简直系令D虾球嘅味道带哂出嚟，划龙点精之作！ 同场加影，如果叫我地个餐，两人以上，佢地会送一客脆皮烧鸡，呢碟因为系送嘅，我哋都无咩 EXPECTATION，点知唔系不特止，我地每人都一致赚好，真正做到皮脆肉嫩，我老婆唔食鸡皮嘅佢话净食鸡肉都无谂过可以做到D肉咁滑，正！
再来就系一个好细个嘅荷叶饭，当然系一人一个啦，SIZE 就好似两只珍珠鸡点心咁上下大，不过其实当时我地都差唔多包哂啦，呢个荷叶饭绝对唔会构成 乜咁少架 嘅问题，相反我地觉得系岩岩好，讲返个荷叶饭，中规中举啦，D 饭有好丰富嘅鲍汁同荷叶香，食埋佢就饱哂， yummy！
个个都差唔多啦，噢，差D唔记得，重有另一个主角，杏汁炖官燕，我自己唔食燕窝所以唔可浪费，比埋我老婆食，佢食开燕窝就即时食得出，佢嘅评语系 嘅饱都要食埋佢，佢话D杏仁味好清香，官燕嘅味道系比起一般我地自己炖果D燕窝为有口感同，其实唔使佢讲我都睇到，成碗燕窝好明显系燕窝多果杏汁，咁口感当然比起佢自己炖嘅为丰富啦！ 同时，部长亦送上椰汁糕同合桃酥，都不错的耶！
一路进餐我地都只系将注意力集中在我地自己嘅菜上面，点知当我地食完甜品，抬头一望四周，哗，其他台都已经坐得七七八八了，不其然心想，香港真的是个好地方，有能力吃千多圆一个餐的人都那么多！ 其实点解我选择来呀翁食鲍鱼呢，都只系想试吓豪一次，不过，当我地赏试过呢D矜贵菜式，千多圆一位的收费其实真系觉得一D都唔贵，去欧洲旅行好多时食餐好D嘅都要二百几欧罗啦，只不过在本港消费好多人只不过系唔舍得或者会话使唔使呀之类谂法，总之我觉得不枉此行啦，呀翁我会再来的！
(顺便提提大家，加一服务费，我三个餐加埋四千几蚊，加一都比咗四百几蚊，等如好多人食一餐晚饭价钱，所以大家要有心理准备，比得起几千蚊食饭就唔可吝啬果四百嘅啦。)
张贴