鮨玥 (已結業)

近西湾河码头嘅一间日式料理餐厅，早几日贪得意搭船去西湾河，就发现到呢间餐厅了。真蚝 $68只 每只约120g，所以size都算中等，厚肉而且味浓，口感creamy，呢餐用佢嚟打头阵超正。北海丼定食 $328 卖相超！豪！华！各款刺身都有啲咁，啱哂心大心细嘅人。最近爱上咗食鲍鱼，呢到嘅鲍鱼好弹口，好味道。本鲔寿司盛 $255 有赤身、中拖罗、大拖罗，质素中上，可以再肥美啲，同埋略嫌有少少筋。火炙三文鱼 $20 虽然块三文鱼唔算好肥美，但系烧得好香，而且同返嘅比例掌握得啱啱好，好食。火炙左口鱼裙边 $38 相比起火炙三文鱼，呢个逊色少少，烧得唔系好够，令到顶层唔够香。鹅肝带子卷 $78 带子好肥美厚肉，而且鲜甜，但鹅肝就唔太出味，变相成件卷物味道偏淡。苹果雪葩 $58 原本想叫菠萝雪葩，可惜当日售罄，但苹果呢款都非常好食，苹果味好清甜，但唔会一味死甜。需加一服务费，埋单二人约$1000。如果你钟意睇我嘅食评，不妨关注我，支持吓我，谢谢你☺️💕