Sixer Burger (已結業)

记得上次同A姐食完啖啖肉龙虾之后（佢梗系食啖啖肉啦，有我帮佢剥壳㖞），佢就念念不忘，问我几时再有机会食龙虾，仲话，有得剥壳畀佢食，系我呢生嘅荣幸添！你精我都唔笨，我今次决定揾大厨剥好晒先上枱嘅餐厅，我都要食皇帝餐呀！所以，今次就嚟到荃湾Sixer Burger，试食龙虾包，正确啲嚟讲系龙虾汉堡包！不过，今次唔系食切件龙虾，都唔系开边龙虾，系一只原整嘅龙虾呀！！餐厅装饰船为主题，所以色调以蓝白色为主，仲有船舵、木桶等配合主题，环境畀人好Relax嘅感觉。突然间，呼……呼……呼……！咩声？原来A姐开咗佢把手提风扇，话要整埋海风嘅感觉先够Exotic，真系失礼死人呀！龙虾牛肉汉堡配香草忌廉柠檬汁：用上原只龙虾，同大大块汉堡，份量十足呀！我试过，我真系试过，但除非你系大口仔，否则真系唔可能一啖咬一口！龙虾够晒新鲜弹牙，又唔驶剥壳，正呀！再配合埋香草忌廉柠檬汁，令龙虾鲜味更突出！牛肉煎得啱啱好，好Juicy㗎，再配上新鲜嘅洋葱圈、沙律菜同蕃茄，令到成个汉堡包更丰富！另外，汉堡包嘅包经过烤焗，够脆又不失松软感！珍宝牛肉凐肉蛋汉堡：原只龙虾上枱就哗哗哗三声，点解原只大阳蛋就无声呢？不过，食落去，哗哗