千樂燒味餐室 (已結業)

约朋友去sogo买嘢，之后又去行街，行行下就见到呢间烧味店。我地一行6个人，咁啱见到有位我地就入去食。叫咗都颇多嘢食，几乎样样烧味都试匀过。一共有烧鹅脾，叉烧，烧猪，油鸡脾，口水鸡，手撕鸡，好钟意佢套餐配嘅蒜香青瓜。甜辣嘅酱汁配清新嘅青瓜，真系好夹。我地一人一两旧好快食完。咁多款呢我就觉得烧猪同烧鹅最好食啦，两样都系热辣辣咁上枱，烧猪皮好似薯片咁脆，肉质香嫩多汁。烧鹅就食落肥美啲。老板娘几热情，都会过嚟同我地介绍返佢地嘅烧味。最后我买咗一樽蒜香青瓜嘅酱汁，念住可以返去自己整。