灃味館

营业中

休息中

大家有冇食过系铜锣湾嘅瀛丰放题呢？点解要问依个问题？因为佢哋系同一大厦开左间食粤式私房菜嘅餐厅😍 装潢方面竟然以西式作主题，菜式方面都融入唔少西方嘅元素~ 餐厅内仲有个酒柜，比大家食中菜配下红酒🍷酒类普偏价钱唔算贵，有啲仲几贴近市价。-浓汤鸡炖鲍翅- 如果多人享用嘅，待应仲会攞一整锅出嚟当众分汤~ 见到入面超级足料，大大只鸡仲有唔少鱼翅🐔 经过长时间熬煮，入口浓郁带鲜，而且有一阵鸡嘅油脂香。*北海道珍宝带子 配牡丹虾汁鸳鸯米- 用贝壳装住好有睇头👀 原粒带好厚肉而且口感嫩滑。个饭嘅做法有少少似risotto ，米粒粒粒分明有咬口，个汁带虾嘅鲜味，成个组合几match!*鲍汁扣原件花胶扒- 必食item 打卡一流！待应会系枱到分件上碟，充满仪式感🤣 真系第一次花胶大到要用刀叉去食，入口满满嘅骨胶原，唔会过淋过于浆口，仲几入味*新鲜菠萝拔丝咕噜肉- 好欣赏用上新鲜嘅菠萝，仲要轻轻烧过表面，味道更鲜甜！咕噜肉外皮薄而松脆，加埋会拉丝，酸酸甜甜嘅甜酸酱，非常开胃😻*焦糖炖蛋配桃胶鲜果粒- 焦糖系最下层，炖蛋滑溜得嚟几香蛋味，面层女士至爱嘅桃胶🤩 中西配搭又真系配出惊喜㖞~