肉餅哥小炒料理 (已結業)

一直都话荃青区系我环头，见到有新开嘅餐厅，就紧系要试下啦~本来心谂肉饼有咩咁把闭啊，都系啲中式野，好似土鱿肉饼咁，点知上开饭呢到一睇，原来系有原只龙虾系上面嘅肉饼，睇落非常有霸气!!其他仲有啲黑松露帆立贝肉饼同鹅肝肉饼咁，咁特别嘅肉饼，价钱都算几合理~可惜嘅系…...是日系无龙虾肉饼，心情即刻跌到落谷底 !!不过黎到呢到又无理由转场嘅，所以唯有试下啲无咁气嘅肉饼啦….落完单之后，就有中式嘅老火汤饮，唔知系咩汤黎，净系知好足料姐，因为我𠮶碗有只无骨鸡脚，好有屋企煲嘅味道上到枱先知，冻饮原来系咁大杯嫁，我同朋友就叫咗冻好立克同冻阿华田，不过唔知系咪因为大杯嘅问题，定系啲冲剂嘅份量问题，啲味道有啲淡..火焰鹅肝肉饼抢先登场，其实可以拣要蒸定煎嘅煮法，不过相机行先，一定系煎嘅肉饼颜色靓啲~肉饼上面摆咗几块鹅肝，正所谓食肉饼都要食得豪气啲，块肉饼系几有弹性嘅，唔知系咪自家用人手剁嘅肉饼黎，因为比起机剁成嘅肉饼，人手整嘅肉饼口感更加好。而且配嘅唔系白饭咁简单，有好多选择可以拣，呢个鹅肝肉饼就配油饭，黄色嘅油饭睇落似系咖喱饭多啲lol (注意，原本系用碗上嫁，系我同朋友自己反转倒啲饭落只碟到~)