元祖沾麵專門店

营业中

休息中

早两日和同事放工后相约一齐晚饭,于是去咗厚福街揾好野食。同事问有冇兴趣试吓呢间元祖沾面,佢之前食过都觉得唔错,所以就入去试下。舖头入面装修都好有日本风格,每一枱都有透明胶帘阻隔其他食客同店员,防疫措施都做得几好。坐低睇到个menu见到个极上芝士海胆沾乌冬,有成板海胆跟餐咁多非常之吸引,所以叫左嚟食。一大碗嘅乌冬有叉烧、腌笋等配料,另外用石头窝装住热辣辣嘅浓香芝士汁睇落已经好邪恶！再加上成板上嘅海胆,感觉好豪华。弹牙嘅乌冬同芝士汁好夹,令每条乌冬都沾到金黄嘅芝士汁,好浓好惹味。而呢度嘅海胆亦几新鲜,食落有海胆独有嘅鲜甜味,比一般出面连销日式餐厅食到嘅质素高,一大板好抵食！以晚餐嚟讲质素ok,价钱合理又够饱肚,坐低个环境气氛仲有种去左日本食店嘅感觉,如果下次经过会再嚟试下其他款式嘅沾面。