宴 尖沙咀

营业中

休息中

喺【宴】食松餐火锅放题，所有野食都系任食，胡麻、醋同豉油都可以任攞。以下就系食放题𠮶阵必攞既野食。首先系酱油汤拼猪骨汤既汤底，鲜甜既酱油汤底，有住酱油香味同埋甜味醇厚既口感，可以带出食材既风味。而猪骨汤底十分浓郁，香味十足而且系完全冇猪肉既腥味，香浓好饮。必食既紧系呢度既日本豚肉，肉质实净而且又好有光泽，口感柔软，多汁而且带有清爽既甜味，烚熟咗之后都盖唔过豚肉既味道。食完豚肉之后黎啲时令野菜拼盘，将所有嘅野菜放喺汤底入面，等汤底吸收晒所有野菜嘅鲜甜味，令到汤底嘅味道更加升华。跟住就系刺身拼盘，整体刺身都好新鲜，帆立贝食落口感好爽口，左口鱼肉质幼嫩好食，三文鱼肉质含有淡淡嘅海水味同埋鱼腥味，但系唔会太重，而且有一种特别嘅清香味。日式火锅紧系唔少得特上宫崎和牛，放入口就可以食到和牛既肉质有几正，入口即溶，口感极致顺滑，味道更加系鲜甜冇腥味。重点系呢度嘅松叶蟹系任食，食落去会有实净蟹肉既口感，唔使调味，蟹肉非常新鲜美味，系必食既食物。