雲魅 (已結業)

香港几乎每隔几条街就一定会有间食米线嘅餐厅，我平时都成日会食米线，但好似呢间咁，可以自己逐样逐样配料加落去嘅过桥米线就真系第一次见，我觉得好新奇好有趣，所以就去试下啦。有几个配料set可以拣，每set入面都有10小碟配料，拣完之后就再拣埋汤底同埋米线/七彩面。香格里拉豪华配料、云魅香辣汤、七彩面 $128难得试一次，一于就试最豪华个set啦。有牛肉、鲍鱼、带子、生菜、酥肉、竹笙、虾、响铃、炸酱、芫荽葱、鹌鹑蛋同虫草花。一嚟到首先就按照店员嘅教导去逐碟逐碟配料放入热汤入面渌熟。啲牛肉都几有牛味，几好食。个人觉得最正嘅系只虾同埋带子。因为系就咁用热汤渌熟佢哋，所以唔会煮得过熟，唔会太鞋。只虾几大只几弹牙，带子口感唔错，味道鲜甜。店员话每款汤底都有用鸡熬出黎，而我觉得呢个香辣汤底几有麻辣烫嘅感觉。七彩面卖相十足，望到都觉得开心。怕啲面太淋嘅话可以逐少逐少咁放入热汤。另外值得一赞嘅系呢度嘅店员服务真系几好，会好主动教我地点样食用，又不断主动斟水。