炑八韓烤 (瓊華中心) (已結業)

话说我呢个韩迷GirlfriendA姐上次食完炑八韩烧圣诞大餐念念不忘，三两日就话想食韩国嘢，你唔热气，我都闷啦！就系咁，我哋又去咗炑八啦，好彩今次有新餐牌，仲有蟹食，唔洗食烧肉。前菜最爱无限量任加韩式三小碟，泡菜味浓，芽菜爽口兼有少少麻油味，鱼片弹牙，正。豪华蟹膏酱紫菜包饭韩国卖到断晒货嘅蟹膏酱喺炑八有得食呀！仲配埋A姐至爱嘅紫菜包饭，真系非常豪华。另一清新食法就系用青瓜条点蟹膏酱，再包紫菜食，蟹膏味仲出，好好味呀。炑八年糕炒蟹锅店员将中间烧肉板拎走，换上石锅，就会有专人同你炒年糕，有椰菜、洋葱、辣酱，都几多料，等年糕差唔多炒好，就会加埋预先用辣酱炒好嘅肉蟹，咁就有得食啦！热辣辣，辣酱嘅份量啱啱好，好惹味呀！食晒肉蟹同年糕之后，店员会再加埋白饭同紫菜连辣酱同配菜炒饭，好似喺韩国食炒辣鸡，最后食嘅炒饭。白饭吸晒啲辣酱，真系又爱又恨，食到流鼻水。红豆绿茶冰沫食完辣嘢，食番𠮶冰冻嘅冰沫，真系无得弹呀。冰沫打到好细好绵，预先加咗牛奶，令冰沫已经有少少味道，加埋绿茶粉，红豆蓉同云呢拿雪糕，味道丰富！如果想再甜啲，可以加埋炼奶。（记住Like同Share畀朋友）想紧贴A姐M佬嘅吃喝玩乐资讯，快啲