喜鍋 海鮮.點心.活刺身 蒸氣石鍋專門店 (已結業)

一行4人book 左去试呢间新开无耐既蒸锅，一入去见到蓝色鱼缸放左好多款式既海鲜，店员好主动推介比我地，全部即捞，保证新鲜。落好单店员帮我地放食物入蒸锅，较好时间，唔使自己操心火喉问题，招呼周到，竹虾同生蚝超大只劲爽甜，龙趸肉好滑，有轻微调味带出鲜味，肥牛爽嫩有肉味，朋友都赞不绝口，贝类都好厚肉新鲜，肉丸就无咩特别。跟住下半场再食奄仔蟹，呢个系全场主角，睇唔出系劲多蟹糕，每人半只都够滋味，正。仲有虫草花蒸鸡好香，菜就蒸完都系干左d，到甜品双色马拉糕好香甜软绵绵，唔错，可惜分量偏少。食都后其实已经好饱喇，不过一定要食埋最后个精华粥底，落左南瓜排骨，仲有海鲜鲜味，肚子太饱了，食得半碗就投降了，饱饱。埋单每人800蚊度既消费，真系比其他地方偏高，不过服务同食物水准都系超班，性价比黎讲都系合理既。