又一棧 (已結業)

好一段时间冇黎，装修唔同晒，豪华左好多，靓左好多，同屋企人黎食午饭，叫左套餐，有：鸡丝粉皮：鸡丝同青瓜真系切得真系好幼，show 晒刀工，兼且砌得好靓，味道亦都好好。酸辣汤：几足料，D料又系切得几幼细，不过辣油多左少少，最尾个淡太多辣油，所以冇饮埋。虾仁：唔记得咩名堂，不过向来唔太钟意食酒楼整的虾仁，所以冇乜食到。樟茶鸭(半只)：好似自川淮居结业后都未食过喇，咁今次食返，味道都差唔多，好食，但系好似细只左D，蝴蝶饼分开用大蒸笼上，比较o徒位。烧小羊腿：上台时好似西菜咁的款，唔系太大件，外皮有小小脆，入面D肉都几滑，几有羊味。龙眼包子：上次食都系好似系川淮居食，都系咁好食啦~芒果布甸：有芒果肉，唔错~服务都有礼貌，不过都认同其他人讲个句，上菜太慢，可以食完一样要等一阵先有第二样到，不过都好过D菜唔跟次序乱咁上。总括黎讲，服务同食物好过楼上沪翠园好多。