影片
更多
2007-11-16
18 浏览
朋友生日, 开头仲以为系去北京楼, 点知原来系去北京酒楼- 一间好耐无去o既食肆, 一间好老字号o既食肆... 呢次去之前收到风, 几豪添.... 真系十年如一日, 装修无咩点变过... 都系d木板叻架墙身, 天花吊住好多花灯, 最凸出应该系佢d侍应, 个个都系上左年纪, 真系可以入博物馆, 哈哈.. 不过叫o既食物就好大唔同... 以前只会当佢系一间有特色o既京菜馆, 呢次已经事先张扬会食翅, 朋友都问我会唔会食, 我会尽可能避免(鲨鱼就快俾中国人食晒喇), 但好朋友生日, 无计喇. 先上一碟冷盆- 海蜇熏蹄, 海蜇好嫩滑, 无平时食的咁硬, 但都爽脆. 熏蹄就好特别, 非一般的熏蹄, 比较腍, 但感觉好好.. 第二道菜系必食o既赛螃蟹, 好大碟, 好滑, 好香, 味道一流, 真系好似食蟹咁, 一共食左两碗多. 好味道.... 再上就系全晚重点, 鸡炖翅- 有d咩, 只系有d鲍鱼片同金华火腿见唔到.. 最特别你有两个好似猪仔包o既东西.. 个汤系成煲翅o既精髓, 侍应话要煲4个钟先得, 味道好浓, 好香金华火腿味... d翅好腍.. 个包用黎点汤食, 方法几特别... 最后先
真系十年如一日, 装修无咩点变过... 都系d木板叻架墙身, 天花吊住好多花灯, 最凸出应该系佢d侍应, 个个都系上左年纪, 真系可以入博物馆, 哈哈..
不过叫o既食物就好大唔同... 以前只会当佢系一间有特色o既京菜馆, 呢次已经事先张扬会食翅, 朋友都问我会唔会食, 我会尽可能避免(鲨鱼就快俾中国人食晒喇), 但好朋友生日, 无计喇.
先上一碟冷盆- 海蜇熏蹄, 海蜇好嫩滑, 无平时食的咁硬, 但都爽脆. 熏蹄就好特别, 非一般的熏蹄, 比较腍, 但感觉好好..
第二道菜系必食o既赛螃蟹, 好大碟, 好滑, 好香, 味道一流, 真系好似食蟹咁, 一共食左两碗多. 好味道....
再上就系全晚重点, 鸡炖翅- 有d咩, 只系有d鲍鱼片同金华火腿见唔到.. 最特别你有两个好似猪仔包o既东西.. 个汤系成煲翅o既精髓, 侍应话要煲4个钟先得, 味道好浓, 好香金华火腿味... d翅好腍.. 个包用黎点汤食, 方法几特别...
最后先至上o既系北京片皮鸭, 第一个feel系- 点解咁多肉o既, 片皮鸭唔系食皮架咩?? 唔理咁多, 趁热食, 加甜酱, 青瓜同大葱, 卷埋一齐好多汁好味... 我见咁多肉, 夹一旧咩都唔点试下味道, 咦~~~ 点解d肉无咩味咁o既, 唔同香港d烧鹅咁嫩咁香. 所以一定要点酱先好味... 仲有, 食下食下, 仲以为边度咁差有d胶纸, 个口o赵到有d好似胶纸咁难咬开o既东西, 睇食清楚d, 原来系d鸭皮... 噢卖葛... 话时话, 唔知点解佢片左咁多肉出黎呢??唔通要充撑场面??? 定系落左格呢??
问下原来个鸭壳可以加$28炒个菜, 食左成晚咁浓味o既菜食番个炒菜真系清泉一样.. 好舒服. 最后最后再上5个送o既高力豆沙, 好好味, 要求再要多五个, 食剩三个打包, 点知佢地话太少, 俾多几个砌够一合.. 咁o既先系刘华要o既服务丫嘛... 哈哈.. 埋单好耐无咁贵食一餐喇, 五个人食左$1130..除左尾尾果d鸭皮外, 都好好食, 仲几有台型.
张贴
