影片
更多
2018-11-09
3636 浏览
终于有粮出当然要去食餐好嘅庆祝下，选择困难症谂完又谂，最后朋友定左系澳门逸园中心揾一间食，咁决定食边间就由我话事俾浜烧海鲜吸引左黎呢间，一入门口就见到大大个鱼缸同游紧水嘅海产，装修令人谂起日本家庭式小店，感觉温馨。被安排坐系吧位，可以望到师傅处理海鲜，旁边又有店员帮手烧，呢个位我钟意！沙律有牛油果好惊喜，平目鱼边嘅油脂好香，拌住清新嘅沙津菜好夹。店员极力推荐龙虾刺身，可以试到龙虾活刺身同虾头甲罗烧两食。睇到师傅处理龙虾手法极纯熟，而且摆盘非常靓。刺身咬落爽口清甜，个人觉得唔加酱油已经非常鲜味。牛舌同样系店员推荐，表层好有弹性，中心保持到湿润柔软，酱汁味道岩岩好，应该系香港食过最好味嘅牛舌！黎呢度当然要试浜烧，加钱可以食活帆立贝，讲明庆祝梗系食豪D。鲍鱼放上炉个阵仲识郁，够新鲜所以肉质好弹牙；蟹脚同期待一样非常鲜甜。蚝放入清酒一齐烧，鲜味浓郁，我地要求唔好烧的太熟，所以口感好creamy。帆立贝可以拣清酒煮或加香草牛油，牛油同香草将帆立贝嘅鲜味带哂出黎，好惹味，同埋加钱转活帆立贝好值，无论肉质同甜味都冇得顶。比较浓味嘅虾头甲罗烧做压轴，将龙虾尾上净余嘅肉烧熟，剪碎再放入预先炒过嘅味噌虾膏
俾浜烧海鲜吸引左黎呢间，一入门口就见到大大个鱼缸同游紧水嘅海产，装修令人谂起日本家庭式小店，感觉温馨。
被安排坐系吧位，可以望到师傅处理海鲜，旁边又有店员帮手烧，呢个位我钟意！
沙律有牛油果好惊喜，平目鱼边嘅油脂好香，拌住清新嘅沙津菜好夹。
店员极力推荐龙虾刺身，可以试到龙虾活刺身同虾头甲罗烧两食。
睇到师傅处理龙虾手法极纯熟，而且摆盘非常靓。刺身咬落爽口清甜，个人觉得唔加酱油已经非常鲜味。
牛舌同样系店员推荐，表层好有弹性，中心保持到湿润柔软，酱汁味道岩岩好，应该系香港食过最好味嘅牛舌！
黎呢度当然要试浜烧，加钱可以食活帆立贝，讲明庆祝梗系食豪D。
鲍鱼放上炉个阵仲识郁，够新鲜所以肉质好弹牙；蟹脚同期待一样非常鲜甜。
蚝放入清酒一齐烧，鲜味浓郁，我地要求唔好烧的太熟，所以口感好creamy。
帆立贝可以拣清酒煮或加香草牛油，牛油同香草将帆立贝嘅鲜味带哂出黎，好惹味，同埋加钱转活帆立贝好值，无论肉质同甜味都冇得顶。
比较浓味嘅虾头甲罗烧做压轴，将龙虾尾上净余嘅肉烧熟，剪碎再放入预先炒过嘅味噌虾膏，再放番上虾头用火枪烧，啖啖都系虾肉嘅鲜同虾膏嘅甘，用火烧比就咁炒香味再升多级，讲真一试难忘！
唔太饮得酒的话非常推荐巨峰味汽酒，清香又唔会过甜。
柚子雪葩酸酸甜甜，仲有微微柚子嘅涩味，做饭后甜品一流。豪食最紧要系食完觉得值，呢餐食得好难忘！
张贴
