稻八日式火鍋炸物放題 (已結業)

男胖子今日带我黎食火锅~睇一睇餐牌，见到有黑毛和牛set，黑毛猪就食过，黑毛和牛未试过，就决定叫呢个$368嘅餐。汤底拣牛乳牛骨汤，好少见。酱油区一下子个餐就上齐了，好高效率。个餐有超多野食，净系黑毛和牛都有3个唔同部位，分别系牛肩肉，肉眼上盖，三角腩，全部都系同一个味，就系好好味。encore多一盒。另外几盒系安格斯牛小排，美国谷饲牛，豚肉，羊肉，鸡片，牛柳粒同牛白肉，仲有个海鲜拼盘。个餐送嘅火炙和牛寿司，赞。再送和牛刺身，好香口！其实仲有得叫刺身，但今晚想专注食和牛就无叫到。最后仲有个自制天妇罗区，完成后可洒上孜然粉，玩味十足。