Sixer Burger (已結業)

今日同屋企人去荃湾行街，行咗一日街。见到一间唔起眼嘅汉堡包舖，谂住入去坐一阵。望下个餐牌好多嘢食，就决定坐低食晚餐。 今日行到好攰，要食豪啲。 叫咗一份“海鲜炸篮”里面有炸虾、酥炸生蚝、炸鱼柳同埋超级好食嘅炸薯条，再来一个龙虾牛肉汉堡配香草忌廉柠檬汁加18蚊转餐有炸薯条同嘢饮。炸虾松脆，生蚝好juicy，连埋啲炸鱼都好新鲜，炸得啱啱好，无油冧冧嘅感觉，还有不可以不提系炸薯条，超级好食，微微带有咸香味，炸得特别松脆，连家中长者都赞个不停。龙虾汉堡有原只龙虾尾，新鲜弹牙，又厚肉，一定要用刀叉品尝， 牛肉汉堡啲肉汁从口角流出，非常多汁， 连啲配菜都好新鲜，令你食个不停。