Poseidon Restaurant & Bar (已結業)

今日黎到一间装修得好有情调嘅餐厅，食物同埋饮品选择好多，我地叫左鱼子酱三文鱼他他见到menu上张相就觉得好吸引😋卖相好靓！三文鱼、红菜头同鱼子酱一层一层，食落都好有层次感！微微咸鲜味嘅鱼子酱令成道菜更加开胃❤️黑松露芝士pizza劲大个pizza，扑鼻而来嘅黑松露味令人食欲大增！我想讲个饼底劲好食，好似饼干咁卜卜脆，上面真系铺咗劲多菇菌类同埋芝士，份量好多，四个人食都得🧀脆皮猪手配薯蓉酸菜哗！上菜𠮶一下第一个感觉系只猪手超大，份量劲多！食啰个皮真系卜卜脆，猪手好香口，配菜同啲猪手都几夹，连啲配菜都俾我哋清晒🤣🤣最后食埋个甜品真系饱到上心口🤪🤪 布朗尼加云呢拿味雪糕🍦个蛋糕有啲甜，但系加埋啲雪糕同埋cream中和返，都唔错啊！餐厅嘅嘢食份量好多，所以都几啱几个人一齐share食。另外侍应服务态度好好，而且好有耐性，我哋问咗好多问题都不厌其烦咁样解释🤩🤩👏🏻