影片
更多
2024-04-02
444 浏览
系土瓜湾区帮衬过不少粉面店，无一间满意! 我要求牛腩系五香啫，牛筋炆得够冧啫，想食碟南乳猪手炆得够冧够入味啫，都唔好睇价钱.苏记，七喜，金苑，肥仔记，通通唔合格，一系牛腩牛筋唔够冧，一系坐得唔舒服冷气不足服务差，潮式嘅味道又唔系我杯茶，所以潮丰唔会选择，唯有行远D，行去谭公道果边觅食.经过哩间叫同一，店舖门面比较细而从未帮衬过，于是推门入去睇睇.点咗碗筋腩河多葱，女友小熊点咗四宝河，再加净猪手一碟.优点:1, 冷气够冻.2, 环境光猛干净.3, 汤底清甜.4, 牛筋够冧够入味! 冧到无牙阿婆都食到! 满意! 牛腩好奇怪，质感一旧旧硬实实，食佢要技巧，细细啖食反而口感松软得多.5, 四宝丸有鱼蛋，猪肉丸，鱼皮饺同墨丸，我只系食咗猪肉丸， size 比起街有卖嘅猪肉丸细粒，但口感松软.6, 猪手同样够冧够入味! 份量足无偷工减料，正! 推介!7, 好鬼憎扫曲落单! 想多葱多腩汁，哩D要求总系无得俾你拣，但系同一嘅扫曲有得拣㖞! 咁咪窝心啰!8, 要求多葱真系俾多葱，服务算系咁啦！缺点:1, 店舖唔大，坐得唔系太舒服.2, 价钱唔算抵.同一唔算一间好正嘅粉面店，只系对手太弱，所以显得出色.
我要求牛腩系五香啫，牛筋炆得够冧啫，想食碟南乳猪手炆得够冧够入味啫，都唔好睇价钱.
苏记，七喜，金苑，肥仔记，通通唔合格，一系牛腩牛筋唔够冧，一系坐得唔舒服冷气不足服务差，潮式嘅味道又唔系我杯茶，所以潮丰唔会选择，唯有行远D，行去谭公道果边觅食.
经过哩间叫同一，店舖门面比较细而从未帮衬过，于是推门入去睇睇.
点咗碗筋腩河多葱，女友小熊点咗四宝河，再加净猪手一碟.
优点:
1, 冷气够冻.
2, 环境光猛干净.
3, 汤底清甜.
4, 牛筋够冧够入味! 冧到无牙阿婆都食到! 满意! 牛腩好奇怪，质感一旧旧硬实实，食佢要技巧，细细啖食反而口感松软得多.
5, 四宝丸有鱼蛋，猪肉丸，鱼皮饺同墨丸，我只系食咗猪肉丸， size 比起街有卖嘅猪肉丸细粒，但口感松软.
6, 猪手同样够冧够入味! 份量足无偷工减料，正! 推介!
7, 好鬼憎扫曲落单! 想多葱多腩汁，哩D要求总系无得俾你拣，但系同一嘅扫曲有得拣㖞! 咁咪窝心啰!
8, 要求多葱真系俾多葱，服务算系咁啦！
缺点:
1, 店舖唔大，坐得唔系太舒服.
2, 价钱唔算抵.
同一唔算一间好正嘅粉面店，只系对手太弱，所以显得出色.
张贴
