同一餐室

营业中

休息中

係土瓜灣區幫襯過不少粉麵店，無一間滿意! 我要求牛腩係五香啫，牛筋炆得夠冧啫，想食碟南乳豬手炆得夠冧夠入味啫，都唔好睇價錢.蘇記，七喜，金苑，肥仔記，通通唔合格，一係牛腩牛筋唔夠冧，一係坐得唔舒服冷氣不足服務差，潮式嘅味道又唔係我杯茶，所以潮豐唔會選擇，唯有行遠D，行去譚公道果邊覓食.經過哩間叫同一，店舖門面比較細而從未幫襯過，於是推門入去睇睇.點咗碗筋腩河多蔥，女友小熊點咗四寶河，再加淨豬手一碟.優點:1, 冷氣夠凍.2, 環境光猛乾淨.3, 湯底清甜.4, 牛筋夠冧夠入味! 冧到無牙阿婆都食到! 滿意! 牛腩好奇怪，質感一舊舊硬實實，食佢要技巧，細細啖食反而口感鬆軟得多.5, 四寶丸有魚蛋，豬肉丸，魚皮餃同墨丸，我只係食咗豬肉丸， size 比起街有賣嘅豬肉丸細粒，但口感鬆軟.6, 豬手同樣夠冧夠入味! 份量足無偷工減料，正! 推介!7, 好鬼憎掃曲落單! 想多蔥多腩汁，哩D要求總係無得俾你揀，但係同一嘅掃曲有得揀喎! 咁咪窩心囉!8, 要求多蔥真係俾多蔥，服務算係咁啦！缺點:1, 店舖唔大，坐得唔係太舒服.2, 價錢唔算抵.同一唔算一間好正嘅粉麵店，只係對手太弱，所以顯得出色.

諗住簡簡單單食過快餐，但呢個快餐好一般✍🏻常餐 $44沙嗲牛+紅腸面- 呢個常餐可以揀兩個餸，揀左沙嗲牛同紅腸一黎到個賣相就一般啦，啲湯似滾水淥，但又有陣古怪味炒蛋多士+ 熱奶茶 - 正常發揮，都ok聽聞呢間店既名物係魚蛋魚片，都見到其他人食，或者下次試下

大家都應該識得德昌魚蛋粉，但你又知唔知其實土瓜灣都有分店？記得兩年前佢開張嘅時候好開心，難得附近有間傳統嘅粉麵店，唔駛再特地去九龍城買火鍋料同食魚蛋粉，不過原來最近自己屋企嘅反而最少去，前幾日無約飯局心血來潮就去食個簡單晚餐。係土瓜灣嘅分店唔係叫德昌，叫同一，唔駛擔心，絕對係同一分店，可能因為個名，佢無咁九龍城咁火熱，但食同坐得更舒服。簡單一碗魚蛋粉，湯頭甜，河粉勁滑，魚蛋爽而口感好，基本上無懈可擊，同我最愛的夏銘記各有優點。朋友點的蝦球撈麵，好似好食過七喜，特別係個牛腩汁撈嘅撈麵，蛋香濃而沾上腩汁的感覺，係魚蛋粉外一個更好選擇。另一個點的撈米更正，健康好多，配牛筋後更加突出個汁嘅出色。單點左個豬手，呢個又係絕對大推，食過軟淋淋嘅豬皮就知道佢地炆得絲絲入扣，下次除左食蝦球撈，豬手撈都唔錯，如果錯過了深水埗的祥發你覺得可惜，咁唔好考慮，過黎呢度食。四寶當中我最愛魚皮餃，個皮好薄而且入面好豐盛，貪心嘅都值得叫因試到好多唔同種類嘅野，當然唔可以錯過仲有佢嘅炸魚片頭，再加過炸魚皮，更佳。聽員工介紹佢哋而家推緊新湯底，朋友試左個嘅冬蔭公湯底配魚蛋粉，幾有特色，呢個隱藏menu，有興趣你過黎食問下

服務太差！禮貌問要加d蔥，又話咩呢樣野冇得加蔥，咁我果碗可以加，我就話咁我呢碗加，又咁多怨氣，語氣極差！大佬啊我係黎食野唔係黎受氣，我就話你咩態度，結果碗蔥拎過嚟搭落張枱度，個樣好唔順氣，真係食到我背脊骨落

早上處理完事情， 想搵個位舒服咁食吓早餐。路過見到同一餐室裝修ok, 枱櫈都坐得幾舒服，就食個靚早餐啦😋😋沙爹牛肉麵配炒餐肉滑蛋多士沙爹牛肉嫩滑唔柴，輕輕仲食到有啲牛味，唔會醃得過火。滑蛋香口，真係好滑，仲食到有流心效果嘅蛋白。餐肉同多士正常發揮啦， 再加杯熱鮮奶，好滿足😛😁😛😛雪菜肉絲米配腸仔滑蛋多士雪菜份量好多，肉絲量就算多，但作為配菜都足夠嘅。 米粉軟硬適中，不錯。凍奶茶茶味好出， 如果再多奶少少，會更好飲！😆😆好似同德昌有關係，見佢都有賣魚蛋嘅，應該都好食吧！🤗🤗

😂不得不打呢篇劣文！🤭🤗話哂住係呢區咁耐，執左既魚蛋粉麵鋪麵幾多又話德X 魚蛋粉乜乜乜（門口寫到好巴之閉咁樣）🫣🫥😱好耐好耐之前試過，不外如是，好鬼難食🥶😱🤓魚蛋唔彈牙，咁都叫正宗？所以之後一直冇再幫襯😏😏😞我相信D街坊幫襯既原因，係因為附近真係冇乜粉麵檔因為呢日要買外賣比屋企人，就真係好順路經過，方便吖麻！😞難食麵照買啦！到呢一間粉麵飯檔叫碗魚蛋米粉，都知道難食㗎喇，是但啦因為近！我諗平時外賣最多等5-6分鐘，呢間等左10分鐘嘅魚蛋粉！見到餐廳入面都多數食緊粉，廚房應該唔會好忙？😊我：問店員煮好未？等左好耐啦！（都等咗10分鐘問下好正常）😡店員：(行入去好大聲問廚房) 10分鐘啫！啫！啫！啫！不停重複個「啫」字！ 唔知咩意思呢？🤣😡之後👆🏻店員拎碗魚蛋粉俾我，再講， 10分鐘啫！😊我：啫？ （咩態度呀）對面嗰間車仔麵外賣5分鐘！😡店員：哦！Xxxxxxxxxxx🤭心諗：轉過彎嗰間好出名食雲吞麵嗰間3分鐘遞到我手上！10分鐘煮碗魚蛋粉🤣會唔會好快執笠呀？😂😂😂😂😂$46蚊一碗唔好食嘅魚蛋粉，買佢既都係因為順路！順路都應該唔會再幫襯！Bye!

一入嚟就feel到係德昌嗰味，回憶出晒嚟。唔記得影相🙈🙈影環境啦叫咗 四寶湯河配香脆魚皮，（常餐）沙嗲牛肉麵配牛油多士。麵份量夠，餸好食，多士正，全部味都係同以前德昌一樣。坐位正常水凖之上，唔係硬櫈。裝修不錯，幾新淨衛生，冷氣略細聲流空間細，好易聽到隔離枱講嘢內容。野飲另外加$13，超貴。員工會睇你係咪後生，係後生就俾QR code self order; 係唔方便 (老d)跟平時口講落單。btw, 飲管膠紙有d難開。

經常去土瓜灣食早餐，附近差不多間間都食過，就呢間冇試過，就揀咗佢試下。坐位仲用緊膠板分隔，4人枱間開之後有啲窄，不過還可以，餐廳落地玻璃，光線好。看了壁畫知道原來是德昌魚旦的店。不過早餐冇魚旦粉的，選了兩個歐陸早餐，一個牛扒一個豬扒。相機食先還是滿心歡喜，雖然多士叫了大火都不燶，但整體賣相不俗。點知一入口就一天大好心情都沒了，牛扒大概是炸的，又乾又柴，試了朋友我豬扒一樣，乾柴老豬。豬扒仲要一陣想壞未壞的微酸感覺，朋友覺得是調味問題，我直接覺得是壞了，不過食果個冇問題我當然唔理。火腿同蛋正常。多士是另一伏位，我是直接吐出，我朋友依然是食曬，所以食評呢啲嘢真係好個人，每個人對食物要求不一樣，佢塊多士超難食，唔知咩怪味，應該是啲「牛油」出事？似千年菜油味，唔識形容，誠邀食過的人告訴我。奶茶ok ，唔錯的。總結：這餐廳廚房出事，水吧正常。食過的歡迎留言！我可能會再去的，試下其他食物是否好些😆。喜歡看我食評請follow 我和俾♥️♥️。謝謝

魚蛋味道還可以，價格方面唔化算！加$7只有一粒魚蛋咁吝嗇！我之前也吃過牛丸河粉，同樣加餸$7也只有一粒唔底食！依家還要轉換了另一種cheap啲的牛丸，感覺好似攞客人著數咁，個人認為遲一些又可能轉換另一種魚蛋希望可以改善下

餐牌入面招牌魚蛋粉個圖片明明有魚蛋和魚片，咁我想試埋佢個鳳城水餃，所以叫咗招牌魚蛋粉加鳳城水餃（記住，係加鳳城水餃，加咗$5），諗住一定好滿足😋😋嚟到之後發現，頂！冇咗魚片！問完侍應先知先知道原來加咗鳳城水餃就會冇咗魚片，跟住聽到隔籬枱亦有同一問題，真係搲哂頭；如果係咁，你唔好寫「加」鳳城水餃，你寫「換」鳳城水餃呀嘛！不過我都係唔追究，無謂為左個魚片嘈，但寫出黎俾大家知免得中伏。不過個水餃啲肉超實，唔好食，下次可以免，有下次的話。🙂

炒蛋餐肉腸仔飯(豉油汁)😎$20沙嗲牛肉雙蛋飯😆$28經過見到有呢個六點後外賣自取優惠😬結果就試咗炒蛋餐肉腸仔飯😉個炒蛋又真係幾吸引👍餐肉亦夠厚，仲有雙腸添😌隔咗幾日，見到有沙牛雙蛋飯😮即刻忍唔住叫咗份試😇沙牛味道都唔錯嘅👌食落無上面嗰個頹飯吸引😂同一餐室 (土瓜灣)土瓜灣北帝街38號Downtown 38地下7號舖

呢間野好似開左唔夠兩個月。menu 都幾多選擇，佢出名係食新鮮製魚旦炒個d, 但見到個menu 有蔥油雞扒飯，就諗都唔使諗😝 「老闆，多蔥」食蔥油雞扒飯最緊要就係個蔥油，我以前食過碟蔥油雞扒飯，啲蔥油得幾粒，咁就唔好改名叫蔥油啦。真係多蔥多汁，再搞爛埋個蛋黃汁，撈飯，正到呢。淨係呢個汁撈飯都夠，其實個雞扒已經係配菜。雞扒都煎得夠香既，唔腥，係唔夠新鮮炸，因為熱度唔夠。同埋我叫左少飯，所以d 汁相對多左， 變左有少少咸。不過我重口味，都ok😝仲要好抵食，$44 , 凍飲加$3其實好多人叫河粉個d坐隔離位食客叫左魚皮餃河粉，睇樣個魚皮餃真心「晶瑩剔透」 !!!我同朋友講過幾日黎試埋個河粉先！ 門口埋單見到櫃位隔離放左d 炸魚皮，見到啲魚皮係有黃色，唔通係啲魚油？咁濃？因為平時見到啲炸魚皮係冇咁黃色㗎，呢一個下次都要試吓先🧐😮

之前經過呢間新開小店，試業冇耐就已經有人響出面排隊。今日八號風球見鋪頭正式開張，入面都照做生意，就入去食個早餐。舖頭裝修企理夠光猛，坐得舒服乾淨，係新式茶餐廳風格。咁啱今日開張，幾位老細響度切燒豬，伙計就繼續快手做野，坐低冇耐就過黎問我食咩。今日唔算好餓，叫左個魚柳包試下。出菜幾快，賣相不錯，魚柳炸得脆唔會太薄，沙律醬同菜配搭得剛好👍🏼 呢間小店係傳承九龍城德昌魚蛋粉，老字號德昌成日排長龍，出名用料高質。下次會再黎試下呢度d魚蛋粉，睇下有冇傳承到德昌出品咁好先。

話說食個茶餐當晚餐, 咁叫咗腸仔沙爹牛丁+炒蛋多士。第一啖丁根本仲係半生狀態, 我懷疑廚房見水滾就熄火, 唯有浸多一陣先食... 沙爹牛無沙爹香味; 腸仔唔係廚師腸又差少少; 到炒蛋好有油益味, 中間嗰種半生熟口感有 d 怪... 多士就無搽牛油 (無所謂間間唔同)。希望試業期間能夠改進一下, 廚房很重要!!!

打正名號話係傳承德昌，見新開就去試吓☺️☺️🤗話明德昌，緊係食個招牌魚皮頭河粉，加左5蚊要埋個墨魚丸雙拼😳47蚊，仲要唔包野飲😔😔想叫埋個樽仔奶茶，但一早已經冇得賣(朝早11點幾)🥲🥲🥲落單既待應，唔係好識得聽廣東話，差啲幫我落左2個河粉😂😂黎到即刻試一試啖湯先，試完就好失望，話晒德昌十幾年前係土瓜灣都開左好耐，由細食到大，但啖湯完全唔係小時候既味道😞😞試埋個辣椒油，一啲都唔香，辣中帶少少甜味，但真係同以前唔同😞😞無幾耐之前係北角間德昌食過，係同小時候既味道一模一樣🥰所以如果有人專登黎食“德昌”呢個招牌既，恐怕就要失望啦😞😞味道黎講不過不失啦，普通一個魚皮頭河粉😅不過鋪頭有啲細，土瓜灣太多人住，坐少少人已經要等位，同埋預咗要搭枱