三不館車仔麵 (廣福道)

营业中

休息中

突发奇想想食猪手，我地上openrice揾到附近有一间车仔面有猪手食就立即出发，估唔到有意外惊喜。三不馆舖面唔大，但系装修有心思，望落新净。我地虽然要搭枱，但系有胶板隔住，地方都算阔，坐得舒服。腩汁汤底食唔出有味精。面质弹牙。猪颈肉又淋又入味。流心蛋香滑浓稠。酸斋就太淡口无味。重头戏嘅猪手好弹牙软腍，但系对我黎讲太辣，朋友就话好好食。对面情侣话虾卷好食，下次可以一试。好食又唔咸嘅车仔面可遇不可求。今次误打误撞揾到新食堂，坐低先知道系地区本店，下次黎大埔一定会再食。